ރޭ މާލޭގައި ހިނގައިދިޔަ މާރާމާރީގައި ސީރިއަސް ޒަޚަމް ތަކެއް ލިބުނު ދެމީހުންގެ ތެރެއިން އެކަކު މަރު ވެއްޖެއެވެ.
ތޫނު އެއްޗަކުން ހަމަލާދީ ހިންގި މި މާރާމާރީގައި މަރުވީ ސައުވީސް އަހަރުގެ ފިރިހެނެކެވެ. އައިޓަމްސް ފިހާރަ ކައިރީގައި ހިންގި މި މާރާމާރީގައި އަނިޔާވި ދެވަނަ މީހާގެ ޙާލުވެސް ވަރަށް ސީރިއަސް ކަމަށް ވަނީ މައުލޫމާތު ލިބިފައެވެ. ހަމަލާދީފައި ވަނީ ސައިކަލް ތަކެއްގައި އައި ގްރޫޕަކުންނެވެ. ނަމަވެސް އެމީހުން ވަނީ ހަމަލާ ދިނުމަށް ފަހު ފިލާފައެވެ.
ހަމަލާދިން މީހުން ހޯދުމުގެ މަސައްކަތް ފުލުހުން މިހާރު ކުރަމުން ދިޔަނަމަވެސް އަދި މިހާތަނަށް މީހަކު ހައްޔަރު ކުރިކަން ފުލުހުން ހާމަ ނުކުރައްވައެވެ. ހަމަލާގައި ޒަޚަމްވި ދެވަނަ މީހާއަށް މިހާރުވެސް އައިޖީއެމްއެޗުގައި ދަނީ ފަރުވާ ދެމުންނެވެ. މި މާރާމާރީ ހިންގާފައި ވަނީ ރޭ 23:22 ހާއިރުއެވެ.
