މެކްސިކޯއަށް އައި ބާރުގަދަ ބިންހެލުމަކާއި ގުޅިގެން އެ ސަރަހައްދުގައިވާ 8 ގައުމަކަށް ސުނާމީގެ އިންޒާރު ނެރެފިއެވެ.
މެކްސިކޯއަށް އައި ބާރުގަދަ ބިންހެލުމާއި ގުޅިގެން ސުނާމީގެ އިންޒާރު ނެރެފައިވާ ގައުމު ތަކަކީ ކޮސްޓަރިކާ، އެލްސަލްވަޑޯ، ހޮންޑިއުރާސް، ގުއަޓަމާލާ އަދި ޕެނަމާ އާއި ނިކަރާގުއާގެ އިތުރުން އިކުއެޑޯއެވެ.
ޕެސިފިކް ސުނާމީ ވޯނިންގ ސެންޓަރުން ބުނެފައި ވަނީ މެކްސިކޯއަށް އައި ބިންހެލުމަކީ 8.1 ގެ ބާރުގަދަ ބިންހެއްލުމެއް ކަމަށެވެ. މިއީ ފަހުގެ ތާރީޚެއްގައި އެގައުމަށް އައި އެންމެ ބާރުގަދަ ބިންހެލުން ކަމަށްވެސް ވެއެވެ. ބިންހެލުން އައި ޗިއާޕާސް ސްޓޭޓުން ވަނީ ކަރަންޓު ކެނޑިފައެވެ. މިއީ މެކްސިކޯގެ ދެކުނުގައި އޮންނަ ސްޓޭޓެކެވެ.
އިމާރާތްތަކަށް އައި ބާރު ގުޑުންތަކާއެކު ބަޔެއް އިމާރާތްތައް ހަލާކު ވަމުންދާތީ ބިންހެލުން އައި ސަރަހައްދު ތަކުގެ މީހުން މިހާރު ތިބީ އިމާރާތް ތަކުން ނުކުމެ މަގުމަތީގައެވެ.
