ފެން ކޭހެއް ވަގަށް ނަގައިގެން ދިޔަ މީހަކު ހޯދަން ފުލުހުން އޭނާގެ ފޮޓޯ އާންމު ކޮށްފިއެވެ.
ފުލުހުން އާންމުކުރި ފޮޓޯގައި ވަނީ އެމީހާ ސައިކަލުގައި ފެން ކޭސް ހިފައިގެންދާ މަންޒަރު ދައްކުވައިދޭ ފޮޓޯއެކެވެ. ފުލުހުންގެ ޖެނެރަލް އިންވެސްޓިގޭޝަން ޑިޕާޓްމެންޓުން ބަލަމުން އަންނަ މި މައްސަލައިގައި ހޯދަމުން އަންނަ މީހާ ފެން ކޭސް ވަގަށް ނެގީ ކޮން ތަނަކުން ކަމެއް ހާމަކޮށްފައި ނުވެއެވެ.
ފުލުހުން ބުނީ އެމީހާގެ އެއްވެސް މައުލޫމާތެއް އެނގޭ ފަރާތެއް ވާނަމަ ފުލުހުންގެ ހޮޓްލައިން ނަންބަރު 3322111 ނުވަތަ ޖެނެރަލް އިންވެސްޓިގޭޝަން ޑިޕާޓްމަންޓްގެ ނަމްބަރު 9631696 އަށް ގުޅުން އެދޭ ކަމަށެވެ.
