އެސްޓީއޯއިން ވިއްކަމުން އަންނަ ޕެޓްރޯލާއި ޑީސަލްގެ އަގު މިއަދު ބޮޑުކޮށްފިއެވެ.
އެސްޓީއޯއިން ބުނީ ޑީސަލާއި ޕެޓްރޯލްގެ އަގަށް އައި ބަދަލާއެކު މިއަދުން ފެށިގެން ޕެޓްރޯލް ލީޓަރެއް ވިއްކާނީ 8.95 ރުފިޔާއަށް ކަމަށާއި އަދި ޑީސަލް ލީޓަރެއް ވިއްކާނީ 8.64 ރުފިޔާއަށް ކަމަށެވެ. އެހެންކަމުން ޕެޓްރޯލް ލީޓަރަކުން ވަނީ ކުރިޔަށްވުރެ ތިރީސް ލާރި ބޮޑުވެފައެވެ. އަދި ޑީސަލް ލީޓަރަކުން ވަނީ ވިހި ލާރި ބޮޑުވެފައެވެ.
އެސްޓީއޯއިން ބުނީ ޕެޓްރޯލާއި ޑީސަލްގެ އަގަށް ބަދަލު ގެނައީ ދުނިޔޭގެ ބާޒާރުގައިވެސް މި ދެބާވަތުގެ އަގު އުފުލުމާއި ގުޅިގެން ކަމަށެވެ. އެސްޓީއޯއިން އެންމެ ފަހުން ޕެޓްރޯލާއި ޑީސަލުގެ އަގު ހެޔޮކޮށްފައި ވަނީ ހުސްވި ޖޫން މަހުގެ ތެރޭގައެވެ.
