ހދ.ކުޅުދުއްފުށީ މަގުތަކުގައި އަންނަ ބުދަދުވަހު ތާރު އަޅަން ފަށާނެކަމަށް މޯލްޑިވްސް ރޯޑް ޑިވެލޮޕްމަންޓް ކޯޕަރޭޝަން (އެމްއާރުޑީސީ)އިން ހާމަކޮށްފިއެވެ.
އެމްއާރުޑީސީން ބުނީ މިހާރު އެރަށު މަގުތަކުގައި ތާރަ އެޅުމުގެ ކުރިން އަޅަންޖެހޭ ސީއެސްބީގެ ލޭޔަރ އަދި ޕްރައިމް ކޯޓު ވަނީ އަޅައި ނިމިފާފައިވާކަމަށެވެ. ފުރަތަމަ ތާރު އަޅަން ހަމަޖެހިފައި ވަނީ މާގަން މަގުގައިކަމަށާ، މީގެ އިތުރުން އެރަށު ފަނޑިޔާރު މަގު އަދި ކަނބޯރަނި މަގުގައި ސީއެސްބީ ލޭޔަރ އަޅައި މާދަމާ ޕްރައިމް ކޯޓް އަޅަން ފަށާނެކަމަށް އެމްއާރުޑީސީން ބުނެއެވެ.
އެމްއާރުޑީސީން ބުނާގޮތުގައި އެރަށު މިސްކިތް މަގުގއި ސީއެސްބީ ލޭޔަރ އަޅަން އަންނަ ބުރާސްފަތިދުވަހު ފަށާނެކަމަށެވެ. މިމަސައްކަތަކީ މިނިސްޓްރީ އޮފް ހައުސިން އެންޑް އިންފުރާސްޓްރަކްޗަރ އިން މޯލްޑިވްސް ރޯޑް ޑިވެލޮޕްމަންޓް ކޯޕަރޭޝަނާ ޙަވާލުކޮށްގެން ކުރަމުން އަންނަ މަސައްކަތެކެވެ. މިމަޝްރޫޢުގެ ދަށުން18 މަގެއްގައި 5.8 ކިލޯމީޓަރުގައި ތާރު އެޅުމަށް ވަނީ ހަމަޖެހިފައެވެ. ކުޅުދުއްފުށީ މަގުހެދުމުގެ މަޝްރޫޢު މިއަހަރުގެ ނިޔަލަށް ނިންމުމަށް ދަނީ މަސައްކަތް ކުރަމުންނެވެ.
