އިދިކޮޅު އެންމެ ބޮޑު ޕާޓީ، އެމްޑީޕީ އަށް 60 ހާސް ރުފިޔާގެ ޖޫރިމަނާއެއް ކުރިމަތި ވެއްޖެއެވެ.
އިލެކްޝަން ކޮމިޝަނުން އެމްޑީޕީއަށް 60 ހާސް ރުފިޔާގެ ޖޫރިމަނާއެއް ކުރިމަތި ކޮށްފައި ވަނީ މިމަހުގެ 15 ވަނަ ދުވަހު ފުލުހުންގެ އިދާރާއަށް ހާޒިރުވާން އަންގާފައި އޮތް އެމްޑީޕީގެ އެކްޓިވިސްޓެއް ކަމަށްވާ ނައީމާ މުޙަންމަދު (ނައީމައްތަ) ފުލުހަށް ދާއިރު އެސަރަހައްދަށް މީހުން އެއްވުމަށް އެމްޑީޕީގެ ރަސްމީ ޓްވިޓާ އެކައުންޓުން ގޮވާލާފައިވާތީއެވެ.
ބުރާސްފަތި ދުވަހު އެމްޑީޕީއަށް އިލެކްޝަން ކޮމިޝަނުން ފޮނުވި ސިޓީއެއްގައި ބުނެފައި ވަނީ ފުލުސް އޮފީސް ދޮށަށް މީހުން އެއްވަން ގޮވާލުމަކީ ޤާނޫނާ ޚިލާފު ކަމެއް ކަމަށާއި އެކަމާއި ގުޅިގެން އެކޮމިޝަނުން ކުރި 60 ހާސް ރުފިޔާގެ ޖޫރިމަނާ 7 ދުވަހުގެ ތެރޭގައި ދެއްކުމަށް އެމްޑީޕީއަށް އަންގާ ކަމަށެވެ.
އިލެކްޝަނުން ބުނެފައި ވަނީ ފުލުސް އޮފީސް ކުރިމައްޗަށް މީހުން އެއްވުމަށް އެމްޑީޕީން މީގެކުރިންވެސް ގޮވާލަމުންދާތީ އެކަން ނުކުރުމަށް އިލެކްޝަން ކޮމިޝަނުން އިންޒާރު ދީފައިވާނެ ކަމަށެވެ. އެކަމަކީ ސިޔާސީ ޕާޓީގެ ޤާނޫނުގެ 48 ވަނަ މާއްދާގެ (ހ) ގެ (2) އާ ޚިލާފު ކަމެއް ކަމަށްވެސް ކޮމިޝަނުން ވަނީ ބުނެފައެވެ
