ކޯވިޑް ޖެހގިެން ޓްރީ ޓޮޕް ހޮސްޕިޓަލުގައި އެޑްމިޓުކޮށްފައި ތިބި ބަލި މީހުންގެ ތެރެއިން އެކަކަށް މިވަގުތު ވެންޓިލޭޓަރުގައި ފަރުވާ ދެމުންގެންދާ ކަމަށް އެންއީއޯސީ އިން ހާމަކޮށްފިއެވެ.
މިހާރު ކުރިއަށްދާ ނޫސްވެރިންގެ ބައްދަލުވުމުގައި ޑރ. އަފްޒަލް ވިދާޅުވީ ޓްރީޓޮޕްގައި މިވަގުތު ނުވަ މީހަކު އެޑްމިޓުކުރެވިފައިވާ ކަމަށެވެ. އަދި އެ މީހުންގެ ތެރެއިން އެކަކު މިވަގުތު އޮތީ ވެންޓިލޭޓަރުގައި ކަމަށް ޑރ. އަފްޒަލް ވިދާޅުވިއެވެ.
ޓްރީޓޮޕްގައި މިވަގުތު އެޑްމިޓުކުރެވިފައި ތިބީ ޖުމުލަ ނުވަ މީހެކެވެ. އެއީ 6 ދިވެއްސަަކާއި ތިން ބިދޭސީން ކަމަށް ޑރ. އަފްޒަލް ވިދާޅުވިއެވެ. ވެންޓލޭޓަރުގައި އޮތީ ބިދޭސީންގެ ތެރެއިން އެކަކެވެ. އޭނާގެ އުމުރަކީ 50 އަހަރެވެ. ހަ ދިވެހީންގެ ތެރޭގައި ކުޑަ ދެ ކުދީން ހިމެނޭކަމަށް ވެސް އަފްޒަލް ވިދާޅުވިއެވެ.
ކޮވިޑު ޖެހޭ މީހުންގެ ތެރެއިން އިތުރު ފަރުވަ ބޭނުންވާ މީހުން ފުރަތަމަ އެޑްމިޓުކުރަމުންދިޔައީ ދަރުވަވަންތަ ހޮސްޕިޓަލުގެ ޑީއެޗް11 ގައެވެ. އެތަނުގައި މިވަގުތު ތިބީ ތިން މީހެކެވެ. އޭގެ ތެރެއިން ވެސް އެކަކަށް ފަރުވާ ދެނީ ވެންޓިލޭޓަރުގައެވެ. އަދި މުޅިން ބަލިން ރަނގަޅުވެގެން މިއަދު އެކަކު މުޅިން ރަނގަޅުވެފައިވާ ކަމަށް ޑރ. އަފްޒަލް ވިދާޅުވިއެވެ.
