މަހަރާސްތްރާގެ މަޝްހޫރު މީޑިއާ ގުރޫޕެއް ކަމުގައިވާ ލޮކްމާތް އިން އެގައުމުގެ ޕާލަމެންޓު މެންބަރުންތެރެއިން ފާހަގަކޮށްލެވޭ މެންބަރުންނަށް އިނާމެއް އަރުވައިފިއެވެ. ލޮކްމާތު ބެސްޓް ޕާލަމެންޓޭރިއަން އެވޯޑްސް ހަފްލާ ބޭއްވީ ނިއުދިއްލީގެ ވިގްޔާން ބަވަންގައެވެ. މި ހަފްލާގައި ބީޖޭޕީގެ ލީޑަރު އެލް. ކޭ. އަދުވާނީ ޕާލަމެންޓަށް ގިނަ ދުވަހު ޚިދުމަތް ކުރައްވާފައިވާތީ އެކަމުގެ އަގު ވަޒަންކޮށް ލައިފްޓައިމް އެވޯޑު އެރުވުނެވެ. އޭނާއަކީ ނުފޫޒު ގަދަ މެންބަރެކެވެ.
އިނާމު ލިބިވަޑައިގަތް ބޭފުޅުންނަށް އިނާމު ހަވާލުކޮށްދެއްވީ އިންޑިއާގެ ނައިބް ރައީސް ހާމިދު އަންސާރީ އާއި، ކުރީގެ ބޮޑު ވަޒީރު މަންމޯހަން ސިންގހާއި، އެޗް. ޑީ. ދޭވަ ގޯޅާއެވެ.
ލޮކްމާތު ޖޫރީ އިން ޕާލަމެންޓުގެ އަށް މެންބަރަކަށް އިނާމު އަރުވާފައިވެއެވެ. އަންހެން ޕާލަމެންޓޭރިއަނުންގެ ބައިން ޖާޔާ ބައްޗަން ވަނީ އިނާމު ހާސިލުކުރައްވައިފައެވެ. ޖާޔާއަށް އިނާމު ލިބިވަޑައިގަތުމުން އަމީތާބު ވަނީ މިއީ އާއިލާއަށް ލިބުނު ވަރަށް ބޮޑު އުފަލަލެއް ކަމަށް ބުނެ ޓްވީޓު ކޮށްފައެވެ.
