ރިޕަބްލިކް އޮފް ކޮންގޯ (ކޮންގޯ ރިޕަބްލިކް) ގެ ވެރިރަށް ބްރެޒެވިލްގެ އަވަށެއްގައި ހައިވޯލްޓޭޖް ކޭބަލަކަށް ހޮނުއެޅުމުގެ ސަބަބުން 20 މީހުން މަރުވެއްެޖެއެެވެ.
ކިންޓެލޭ އަވަށުގެ މޭޔަރ ސްޓެލާ މެންސާ ސާސޫ އިންގެސޯ ވިދާޅުވިގޮތުގައި މަރުވި ހަތް މީހެއްގެ ހަށިގަޑު ކައިރި އަވަށެެއްގެ މޯޗަރީއަށް ފޮނުވާފައިވާއިރު، 13 މީހެއްގެ ހަށިގަނޑު ވަނީ ވެރިރަށް ބްރެޒެވީލްގެ މޯޗަރީއަށް ގެންގޮސްފައެވެ.
މަންޒަރު ދުށް މީހަކު ބުނި ގޮތުގައި ހޮނުއެޅުމުގެ ސަބަބުން ހައިވޯލްޓޭޖް ދެ ކޭބަލެއް ބުރިވެގެން ދިޔައެވެ.
"އެއް ކޭބަލް ވެއްޓުނީ ގެއެެއްގެ މައްޗަށް.... އަދި އެ ގޭގައި ތިން މީހުން ކަރަންޓުގައި ޖެހި މަރުވި." އޭނާ ކިޔައިދިނެވެ. "އަނެއް ކޭބަލް ވެއްޓުނީ ފެންބޮޑުވެފައި އޮތް ހުސްބިމަކަށް. ފެންގަނޑަށް ކަރަންޓު އައިސްގެން އެތަނުގައި ތިބި އެންމެން މަރުވީ." ބުދަ ދުވަހު ބޯކޮށް ވާރޭވެހުމުގެ ސަބުބުން އެ ސަރަަހައްދުގައި އޮތީ ފެންބޮޑުވެެފައެވެ.
މި ހާދިސާގައި އަނިޔާވީ ކިތައް މީހުންނަށްކަން ސާފުނުވެއެވެ.
ރިޕަބްލިކް އޮފް ދަ ކޮންގޯ (ކޮންގޯ ރިޕަބްލިކް) އަކީ ޑިމޮކްރެޓިކް ރިޕަބްލިކް އޮފް ކޮންގޯ (ޑީއާރް ކޮންގޯ) އާ އިންވެގެން އޮންނަ، ޑީއާރްކޮންގޯއަށްވުރެ ކުޑަ ގައުމެކެވެ. ކޮންގޯ ރިޕަބްލިކް ވެރިރަށް ބްރެޒެވިލްއާއި، ޑީއާރް ކޮންގޯގެ ވެރިރަށް ކިންޝާސާއަކީ ވެސް އިންވެގެން އޮންނަ ދެރަށެވެ.
