ދުނިޔޭގެ ރީތީގެ ރާނީއަކަށް ޖެމޭކާގެ ޓޯނީ-އެން ސިންހް ހޮވައިފިއެވެ. މިއީ 1959ވަނަ އަހަރުގެ ފަހުން ޖެމޭކާގެ މީހަކު ރީތީގެ ރާނީއަކާށް ހޮވުނު ހަތަރުވަނަ ފަހަރެވެ.
ރީތީގެ ރާނީ ހޮވުމަށް ބޭއްވި ރަސްމިއްޔާތުގައި ސިންހް ވަނީ ދުނިޔޭގެ އެކި ކަންކޮޅުތަކުގައިވާ އަންހެން ކުދީންނާ މުޚާތަބުކޮށް ވާހަކަ ދައްކާފައެވެ. އޭނާ ބުނީ ބޭނުންވާ ކަމެއް ހާސިލުކުރުމުގެ ގާބިލުކަން ކޮންމެ ކުއްޖަކަށް ވެސް ލިބިފައިވާ ކަން ދެނެގަތުމަށެވެ. އަދި އެ ތާޖަކީ އެ ހުރިހާ ކުދީންގެ ތާޖެއްގެ ކަމަށެވެ.
އުމުރުން 23 އަހަރުގެ ސިންހަކީ ފްލޮރިޑާ ސްޓޭޓް ޔުނިވަރސިޓީ އިން ސައިކޮލޮޖީ އެންޑް ވިމެން ސްޓަޑީސްގެ ދައިރާއިން ފާސްނަގާފަިއވާ މީހެކެވެ. ތާޖު ލިބުމުން އޭނާ އަމިއްލަ ނަފްސު ސިފަކުރީ ދުނިޔެއަށް ބަދަލުގެންނަން މަސައްކަތް ކުރާ ހުރިހާ އަންހެނުންގެ ޚާއްސަ މަންދޫބެއްގެ ގޮތުގައެެވެ. އޭނާގެ ބޮލުގައި މިސް ވޯލްޑްގެ ތާޖު އެޅުވީ ކުރީގެ މިސް ވޯލްޑް، މެކްސިކޯގެ ވެނީސާ ޕޯންޗޭ ޑީ ލިއޯން އެވެ.
މިސްވޯލްޑްގެ ދެ ރަނަރ-އަޕުންގެ ގޮތުގައި ހޮވުނީ މިސް ފްރާންސާއި މިސް އިންޑިއާއެވެ.
މިއަަހަރަކީ ރީތީގެ ރާނީންގެ ހުރިހާ މުބާރާތެއް ފުރަތަމަ ފަހަރަށް ކަޅު ނަސްލުގެ އަންހެނުން ކާިމޔާބު ކުރި އަހަރެކެވެ. އެގޮތުން މިސް ޔޫއެސްއޭ އާއި މިސް ޓީން ޔޫއެސްއޭ އާއި މިސް އެމެރިކާ އާއި މިސް ޔުނިވަރސް ކާމިޔާބުކުރީ ކަޅު ނަސްލުގެ މީހުންނެވެ.
