ދުނިޔޭގެ ހިތުގެ ދުވަސް ފާހަގަ ކުރުމަށް "ހެޔޮ ހިތަކާ އެކު.." ނަމުގައި އެމް ސެވަން ގަރޫޕުން ޚާއްޞަ ޙަރަކާތްތަކެއް ފަށައިފިއެވެ.
މިއަދު ކުރިއަށް ގެންދާ "ހެޔޮ ހިތަކާ އެކު.." ޙަރަކާތުގައި އެމް 7 ބުކް ސްޓޯރާއި އެމް 7 ޕްރިންޓުން ކުރާ ކޮންމެ ވިޔަފާރިއަކަށް، 30 ޕަސެންޓާ ހަމައަށް ޑިސްކައުންޓް ލިބޭނެއެވެ.
ހިތުގެ ދުވަސް ފާހަގަ ކުރުމަށް މިއަދު އެމް 7 ގެ މުވައްޒަފުން އޮފީހަށް ނުކުތީ ރަތްކުލައިގެ ހެދުމެއް ނޫނީ ރަތްކުލަ ރަމްޒު ކޮށްދޭ ހެދުމެއްގައި ފައި މަގުގައެވެ. މިޙަރާކާތުގެ ބޭނުމަކީ ދުޅަހެޔޮ ހިތަކަށްޓަކައި ހަރަކާތްތެރިވެ އުޅުމާއި ކަސްރަތު ކުރުމަކީ މުހިންމު ކަމެއްކަން ހަނދާންކޮށް ދިނުމަށާއި އެކަމަށް މުވައްޒަފުންނާއި އާންމުން ހޭލުންތެރި ކުރުވުން ކަމަށް އެމް 7 ގަރޫޕޫން ބުނެއެވެ.
"ހެޔޮ ހިތެއް، ދުޅަހެޔޮ ހިތެއް ހޯދުމަކީ ކޮންމެހެން ވެސް މުހިންމު ކަމެއް. އަޅުގަނޑުމެން ހިތުގެ ދުވަސް ފުރަތަމަ ފަހަރަށް ފާހަގަ މިކުރަނީ، ރާއްޖޭގައި ވެސް ހިތުގެ ބަލިތައް އިތުރުވެ، އެ ބަލީގައި ދުނިޔެ ދޫކޮށްފައި ދާންޖެހޭ އަޚުންނާއި އުޚްތުން ގިނަ ވަމުންދާތީ އެކަމަށް ހޭލުންތެރިކަން އިތުރުކުރުމަށްޓަކައި،" އެމް ސެވަން ގްރޫޕްގެ މެނޭޖިން ޑައިރެކްޓަރ މުޙައްމަދު އަބްދުއް ސައްތާރު ވިދާޅުވި އެވެ.
މިޙަރަކާތުގެ ދަށުން އެމްސެވަން މުވައްޒަފުނާއި ވިޔަފާރި ކުރާ ފަރާތްތަކަށް، ދުޅަހެޔޮ ހިތަކަށްޓަކައި ކުރަންޖެހޭ ކަންކަމުގެ މަޢުލޫމާތު ކާޑެއް ވެސް ދެމުންގެންދެއެވެ.
