މޯލްޑިވްސް ތާޑުވޭ ޑިމޮކްރެޓްސް (އެމްޓީޑީ) ގެ ޓީކެޓުގައި ރައްޔިތުންގެ މަޖިލީހަށް ކުރިމަތިލައްވަން ބޭނުންވާ ފަރާތްތަކަށް މިއަދުން ފެށިގެން ފުރުސަތު ހުޅުވާލައިފިއެވެ.
އެޕާޓީން ބުނެފައިވަނީ ފެބުރުއަރީ އެކެއްގައި ހުޅުވާލި ފުރުސަތު ބަންދުވާނީ ފެބުރުއަރީ ވަނަ ދުވަހު ހަވީރު 6:00 ގައި ކަމަށެވެ. އެޕާޓީގެ ޓިކެޓަށް އެދި ހުށަހަޅަން ބޭނުންވާ ފަރާތްތަކަށް ޕާޓީގެ އޮފީހުން މިއަދުން ފެށިގެން ފޯމް ލިބޭނެ ކަމަށް ވެސް އެޕާޓީން ވަނީ ބުނެފައެވެ.
އެމްޓީޑީގެ ޓިކެޓުގައި މަޖިލީހަށް ވާދަކުރަން ބޭނުންވާ ފަރާތްތަކަށް އެފުރުސަތު ހުޅުވާލިޔަސް އެޕާޓީން ވާދަކުރާނީ ކިތައް ދާއިރާއަށް ކަމެއް ބުނެފައެއް ނުވެއެވެ. ކުރިން އެޕާޓީން ބުނެފައިވަނީ މަޖިލީހަށް ކުރިމަތި ލާނީ ވަރަށް ބޮޑަށް ހާލަތު ބަލައިފައި ކަމަށެވެ.
އެމްޓީޑީއަކީ ދިވެހިވިޔަފާރިވެރިންގެ ޖަމިއްޔާގެ ކުރީގެ ނާއިބު ރައީސް އިސްވެ ހުންނަވައިގެން އުފެއްދެވި ޕާޓީއެކެވެ. އެޕާޓީގެ ރައީސަކީ ރާއްޖޭގެ ކުރީގެ ނާއިބު ރައީސް އަޙުމަދު އަދީބެވެ. ސީނިއަރ ނާއިބު ރައީސަކީ ޢާސިފެވެ. ނާއިބު ރައީސަކީ ވެލިދޫ ދާއިރާގެ މެމްބަރު ޔާމީން ރަޝީދެވެ.
