އާލިއާ ބަޓް އާއި ވަރުން ދަވަން އަކީ ކާމިޔާބު ތިން ފިލްމެއް ބެލުންތެރިންނާ ހަމައަށް ގެނެސްދީފައިވާ ކުޅަދާނަ ދެ ތަރިންނެވެ. މެ ދެ ތަރީން އެކުގައި މަސައްކަތް ކރުި ތިން ފިލްމުވެސް ވަނީ ބޮކްސް އޮފީހުގައި ބޮޑު އާމްދަނީ އެއް ހޯދާފައެވެ. 'ކަލަންކް' އަކީ އާލިއާ އާއި ވަރުން އެކުގައި މަސައްކަތް ކުރުާ ހަތަރުވަނަ ފިލްމެވެ.
ފިލްމުގެ ޝޫޓިން ނިންމައި އާލިއާ އާއި ވަރުން ވަނީ އިންސްޓެގްރާމުގައި އެކަކު އަނެކަކަށް ވަރަށް ބޮޑަށް ތައުރީފުކޮށްފައެވެ. އާލިއާގެ ޕޯސްޓުގައި ބުނެފައިވާ ގޮތުގައި ވަރުން އާއި އެކު ހަތަރު ފިލްމުގެ މަސައްކަތް ފުރިހަމަ ކުރެވުނު އިރު އޭނާގެ ހިތްވަރާއި ބުރަ މަސައްކަތުން އާލިއާ ހައިރާންްކަން ލިބުނެވެ. ވަރުން ބުނެފައިވާ ގޮތުގައި އާލިއާ އާއެކު މަސައްކަތް ކުރާ ކޮންމެ ފަހަރަކު އޭނާއަށް ކުރެވެނީ ފުރަތަމަ ފަރަހަށް މަސައްކަތް ކުރާ ކަމުގެ އިހުސާސެވެ.
އާލިއާގެ ޕާފޯމަންސަށް ތައުރިފުކޮށް ފިލްމުގެ ޕްރޮޑިއުސަރު ކަރަން ޖޯހަރވެސް ވަނީ ޝޯ އެއްގައި ވާހަކަ ދައްކާފައެވެ. އެންމެ ފަހުން ކަރަން އަށް ރޮވުނީ ކޮންއިރަކުތޯ ޝޯ ހޯސްޓު ކުރި ސުވާލަކަށް ޖަވާބު ދެމުން ކަރަން ބުނީ އެއީ ދާދީ ފަހުން ކަލަންކްގެ ޝޫޓިން ތެރެއިން އާލިއާގެ ޕާފޯމަންސް ފެނިފައި ކަަމަށެވެ. މި މަންޒަރުގެ ތަފްސީލު ކަރަން ނުދެއެވެ. ނަމަވެސް އޭނާ ބުނީ އާލިއާ ޕާފޯމްކުރާތަން ފެނުމުން އޭނާ އަށް އިހުސާސް ކުރެވެނީ އަމިއްލަ ދަރިއަކު މޮޅަށް ޕާފޯމް ކުރުމުން ކުރެވޭ އިހުސާސް ކަމަށެވެ.
'ކަލަންކް' އަކީ 1940 ގެ ތެރޭގައި ސެޓްކޮށްފައިވާ ޕީރިއަޑް ޑްރާމާ އެކެވެ. އަބީޝެކް ވަރްމަން ޑައިރެކްޓްކުރާ މި ފިލްމުގެ ކާސްޓުން ތެރޭގައި މަދޫރީ ޑިކްސިޓް، ސަންޖޭ ދަތް، ސޮނާކްޝީ ސިންހަ، އަދިތްޔާ ރޯއި ކަޕޫރް ހިމެނެއެވެ. މި ފިލްމު ތިއޭޓަރުގައި އަޅުވާނީ އޭޕްރީލް މަހުގެ 19ވަނަ ދުވަހުއެވެ.
