ރާއްޖެ އިސްލާމްވީ ދުވަހުގެ ރަސްމީ ޖަލްސާގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާއި، އެމަނިކުފާނުގެ އަނބިކަންބަލުން ފަޒްނާ އަޙްމަދު ބައިވެރިވެވަޑައިގެންފިއެވެ.
މިރޭ ދަރުބާރުގޭގައި ބޭއްވެވި މި ޖަލްސާގައި ރައީސުލްޖުމްހޫރިއްޔާގެ ނާއިބު ފައިޞަލް ނަޞީމް ވެސް ބައިވެރިވެ ވަޑައިގެންނެއެވެ. އެމަނިކުފާނުގެ އިތުރުން، ވަޒީރުންގެ މަޖިލީހުގެ ބައެއް މެންބަރުންނާއި، ރައްޔިތުންގެ މަޖިލީހުގެ ރައީސާއި، ކުރީގެ ރައީސިުލްޖުމްހޫރިއްޔާ މައުމޫން ޢަބްދުލް ޤައްޔޫމާއި، ރައްޔިތުންގެ މަޖިލީހުގެ ބައެއް މެމްބަރުންނާއި، ސަރުކާރު އޮފީސްތަކުގެ ބައެއް އިސް ވެރިން ވެސް މި ޖަލްސާގައި ވަނީ ބައިވެރިވެވަޑައިގެންފައެވެ.
މިޖަލްސާގައި އިސްލާމިކް އެފެއާޒު މިނިސްޓަރާއި، ހޯމް މިނިސްޓަރު ވަނީ ވާހަކަފުޅު ދައްކަވައިފައެވެ. އަދި ދުވަހާ ގުޅޭ ޕްރެޒެންޓޭޝަނަކާއި ވީޑިއޯ ރިޕޯޓެއްވެސް ވަނީ ހުށަހަޅައިފައެވެ. އޭގެ އިތުރަށް ދުވަހާ ގުޅެ މަދަޙައެއް ވެސް ކިޔުން އޮތެވެ.
