ޕަބްލިކް ސާވިސް މީޑިއާ (ޕީއެސްއެމް) އިން ހިންގަމުންދާ ޓީވީއެމްގެ މައްސަލައެއް ތަޙުޤީޤު ކުރައްވަމުން ގެންދަވާ ކަމަށްފުލުހުން ވިދާޅުވެއްޖެއެވެ.
ފުލުހުންގެ މީޑިއާއިން ވިދާޅުވީ އެ މައްސަލައަކީ ޕީއެސްއެމުން ހުށަހަޅައިފައިވާ މައްސަލައަކާ ގުޅިގެން ކުރައްވަމުން ގެންދަވާ ތަޙުޤީގެއް ކަމަށެވެ. އެހެންކަމުން އޭގެ މަޢުލޫމާތު ދެވެންނެތް ކަމަށް ފުލުހުން ވިދާޅުވިއެވެ.
ޕީއެސްއެމްގެ ޑެޕިޔުޓީ މެނޭޖިންޑިރެކްޓަރ މުޙައްމަދު އިކުރާމް ބައެއް ނޫސްތަކަށް މަޢުލޫމާތު ދެއްވަމުން ވިދާޅުވެފައިވަނީ ފުލުހަށް ހަށަހަޅައިފައިވަނީ ޑިލީޓު ނުކުރުމަށް އަންގައިފައިވާ ވޯޑިއޯތަކެއް ޑިލީޓް ކުރި މައްސަލައެއް ކަމަށެވެ.
ސީސީޓީވީ ވީޑިއޯއާއި ސިސްޓަމަށް ލޮގިންވެފައިވާ މީހުން ބަލައިގެން އެކަންކުރި މީހުން ދެނެގަނެވިފައިވާ ކަމަށްވެސް އޭނާ ވިދާޅުވެފައިވެއެވެ. އެހެންނަމަވެސް ތަޙުޤީޤު ކުރައްވަމުން ގެންދަވާ މައްސަލައަކަށްވާތީ އެއީ ކޮންބައެއް ކަމެއް އޭނާ ވިދާޅެއް ނުވެއެވެ.
ފުލުހުންގެ ފޮރެންސިކް ޓީމަކުން ޓީވީއެމަށް މިއަދުގޮސް ވަނީ އެތަނުގައި ޙަރަކާތެރިވެފައެވެ.
އިކުރާމް ވިދާޅުވެފައިވަނީ ޑިލީޓް ކޮށްފައިވަނީ އެހާ މުހިންމު ވީޑީއޯތަކެއް ނޫން ކަމަށެވެ. އެހެންނަމަވެސް އެއީ ޑިލީޓު ނުކުރަން އަންގާފައިވާ ވިޑީއޯތަކެއް ކަމަށް ވިދާޅުވެފައިވެއެވެ.
