ތުރުކީގެ އިސްތަންބޫލުގައި ހުންނަ ސައޫދީ އަރަބިއްޔާގެ ކޮންސިއުލޭޓުގައި ފާއިތުވި އޮކްޓޯބަރު މަހުގެ 2 ވަނަ ދުވަހު ރަހުމްކުޑަ ގޮތަކަށް މަރާލެވުނު ސައޫދީ ނޫސްވެރިޔާ މަރާލަން އަމުރުކުރެއްވީ ވަލީއަހުދު މުޙައްމަދު ބިން ސަލްމާން ކަމުގައި އެމެރިކާގެ ސެންޓްރަލް އިންޓެލިޖެންސް އޭޖެންސީ (ސީއައިއޭ) އަށް ގަބޫލުކުރެވޭ ކަމުގައި އެ އިދާރާއިން ބުނެފިއެވެ. މިއީ، ޚާޝުޤްޖީ މަލާރުމުގައި ހަރަކާތްތެރިވި މީހުންނާ ހަވާލާދީ ސައޫދީ ސަރުކާރުން ބުނާ ގޮތާ މުޅިން ފުށުއަރާ ވާހަަކައެކެވެ.
ސީއައިއޭގެ މިނިންމުކީ އެމެރިކާގެ އިސް މަސްއޫލުވެރިން އިތުބާރުކުރާ ނިންމުކެވެ. އަދި މިހާތަނަށް ޚާޝުޤްޖީގެ މަރާ ސީދާ އަދި ފާޅުކަން ބޮޑު ގޮތެއްގައި މުޙައްމަދު ސަލްމާނާ ގުޅުވި ފުރަތަމަ ނިންމުމެވެ. މީގެ ސަބަބުން މެދުއިރުމަތީގައި އެެމެރިކާގެ އެންމެ ބޮޑު އެއް ބައިވެރިޔާ ކަމުގައިވާ ސައޫދީ އަރަބިއްޔާއާއެކު ރަނގަޅު ގުޅުމެއް ދަމަހައްޓަން ޓްރަމްޕުގެ ސަރުކާރުން ކުރާ މަސައްކަތަށް ހުރަސް އެޅިގެން ދާނެއެވެ.
އެއީ ޖާސޫސީ މައްސަލައެއްކަމަށް ބުނެ، ވޮޝިންޓަން ޕޯސްޓުގައިވާ މިޚަބަރާމެދު އެއްވެސް އެއްޗެއް ބުނުމަށް ވައިޓްހައުސްއިން ވަނީ ދެކޮޅުހަދާފައެވެ. އަދި ސްޓޭޓް ޑިޕާޓްމަންޓުންވެސް ވަކި ޖަވާބެއް ނުދިނެވެ.
މި ނިންމުމާ ހަމައަށް އައުމަށް ސީއައިއޭއިން ވަނީ ތަފާތު ޖާސޫސޫ މަސްދަރުތަކުގެ މައްޗަށް ބިނާކޮށެވެ. އޭގެތެރޭގައި، އިސްތަންބޫލުގައި ހުންނަ ސައޫދީ ކޮންސިއުލޭޓަށް ޑޮކިއުމެންޓުތައް ނަގަން ދިއުމަށް އެދިވަޑައިގެން ވޮޝިންޓަނުގައި ހުންނަވާ ސައޫދީ ސަފީރު އަމީރު ޚާލިދު ބިން ސަލްމާން ޖަމާލު ޚާޝުޤްޖީއަށް ކުރައްވާ ފޯނު ކޯލެއްވެސް ހިމެނެއެވެ.
މީގެ އިތުރަށް ސީއައިއޭއިން ދެކޭގޮތުގައި ސައޫދީ ސަރުކާރުގެ ހުރިހާ ކަމެއް ދުވަހުން ދުވަހަށް ހިންގަވަނީ މުޙައްމަދު ބިން ސަލްމާން ކަމުގައިވާއިރު، މުޙައްމަދު ބިން ސަލްމާނަށް އެނގިވަޑައިގަތުމަކާ ނުލައި، އެހާ މަތީ ފެންވަރުގެ ބަޔަކު ބައިވެރިވެގެން ސައޫދީ ކޮންސިއުލޭޓްލްތެރޭގައި މީހަކު މަރާލުމަކީ އެކަށީގެންވާ ކަމެއް ނޫނެވެ.
މީގެ އިތުރަށް ސީއައިއޭގެ އިސްވެރިންނާ ހަވާލާދީ ވޮޝިންޓަން ޕޯސްޓުން ބުނާ ގޮތުގައި މުޙައްމަދު ބިން ސަލްމާނަކީ މޮޅު 'ޓެކްނޯކްރޭޓް' އެކެވެ. ނަމަވެސް އޭނާއަކީ އަވަސް އަވަހަށް ވިސްނުން ބަދަލުވާ ބޭފުޅެެކެވެ. އަދި އޭނާ ކުއްލިގޮތަކަށް "ސުމަކުން 60 އަށް ބަދަލުވާން" ނަގަނީ ހިނދުކޮޅެކެވެ. އަދި އޭނާ ކުރައްވަން ނުޖެހޭ ގިނަ ކަންތައްތަކެއް ހުރިކަން އޭނާ ނުވިސްނަވައެވެ.
އެހެންނަމަވެސް، ސީއައިއޭގެ އިސް މަސްއޫލުވެރިން ގަބޫލުކުރާ ގޮތުގައި ޖަމާލު ޚާޝުޤްޖީ މަރާލި މައްސަލައާ ގުޅިގެން މުޙައްމަދު ބިން ސަލްމާން މަގާމުން ދުރުކުރުމަކީ ވަރަށް ދުރުކަމެކެވެ. އަަދި އޭނާ މުސްތަގުބަލުގައި ރަސްކަންކަލަކަށްވެ ވަޑައިގަތުމަށްވެސް މާބޮޑު ހުރަހެއް ނެތެވެ.
ޤައުމުތަކުގެ އިސް ބޭފުޅުންނަކީ އެބޭފުޅުންކުރައްވާ ކަންކަމާ ރައްޔިތަކު ނުރުހި ފާޑެއް ކިޔައިފިނަމަ އެކަމާ ނުރުހެ ބޭލުޅުންނެވެ އއީ ޤާނޫނާ ޤަވާޢިދަށް ފުށުއަރާގޮތަށް ގިނަކަންތައްތަކެއް ފާލުގައިކުރައްވާތީ ރައްޔިތުމީހަ ފާލުކުރި ޚިޔާލެއްކަމުގައޮިވިޔަސް ވެހެވެ. އަމުދުން މާލިއްޔަތުން ބޮޑު ޕަސެންޓެއް އެއި ވެރިޔާގެ ޙައްޤުކަމަށް ނިންމާފަވާނަމަ އެފަދަ ވެރިންގެ އެސިފަ މާގަދައަށްވެސް ހުރެއެވެ.އެގޮތުންބަލައިނަޒަރުކުރުމުން (ސީއައިއޭ)ބުނިބަސް ތެދުނެދާނެއެވެ.އެކަމު ދުރުގައިތިބެ ދިރަސާކުރާމީހުންނަށްވުރެ ކައިރިގަހުރެ ކުރާ ތަޙްޤިގު މާ ޞައްޙަވާނެއެވެ.ޙަޤީޤަތް މޮޅަށް ދެނެވޮޑިގެންވަނީ ﷲއެވެ.