އަބުރު ރައްކާތެރި ކުރުމާއި ޚިޔާލު ފާޅުކުރުމުގެ މިނިވަން ކަމުގެ ޤާނޫނު އުވައިލުމަށް ރައްޔިތުންގެ މަޖިލީހުން ފާސްކުރައްވައިފިއެވެ.
މި ޤާނޫނު އުވައިލުމަށް ފާސްކުރެއްވީ ވޯޓުގައި ބައިވެރިވެ ވަޑައިގެންނެވި މެމްބަރުންގެ ތެރެއިން 38 މެމްބަރުންގެ ވޯޓު ލިބިގެންނެވެ. އެ ޤާނޫނު އުވައިލުމާ ދެކޮޅަށް ވޯޓު ދެއްވީ 13 މެމްބަރުންނެވެ.
މި ޤާނޫނު އުވައިލުމަށް ރައްޔިތުންގެ މަޖިލީހަށް ހުށަހެޅުއްވީ މަޖިލީހުގެ ކުރީގެ ރައީސް ހެންވޭރު އުތުރުދާއިރާގެ މެމްބަރު ޢަބްދުﷲ ޝާހިދެވެ.
މިޤާނޫނަކީ ވެރިކަމުގައި މިހާރުއޮތް ޕީޕީއެމް އިސްވެ އޮވެ ހަދައިފައިވާ ޤާނޫނެކެވެ. އެ ޤާނޫނު ފާސްކުރައްވައިފައިވަނީ 2016 ވަނަ އަހަރުގެ އޮގަސްޓުމަހުގެ 9 ވަނަ ދުވަހުއެވެ. އެ ޤާނޫނު ރައީސް ޔާމީން ތަޞްދީޤު ކުރައްވައިފައިވަނީ އޮގަސްޓް 11 ވަނަ ދުވަހުއެވެ.
