ރަސްމީ ދަތުރުފުޅެއްގައި ޗީފް އޮފް ޑިފެންސް ފޯސް މޭޖަރ ޖެނެރަލް އަޙްމަދު ޝިޔާމް އިންޑިއާއަށް މިރޭ ފުރާވަޑައިގެންފި ކަމަށް އެމްއެންޑީއެފުން ވިދާޅުވެއްޖެއެވެ.
ވެލާނާ އިންޓަރނޭޝަނަލް އެއަރޕޯރޓުން ޗީފް އޮފް ޑިފެންސް ފޯސް އަށް އަލްވަދާޢު ވިދާޅުވީ ޖެނެރަލް އޮފިސަރުން ކަމަށް ވެސް އެމްއެންޑީއެފުން ވަނީ ވިދާޅުވެފައެވެ.
މި ދަތުރުފުޅަކީ އިންޑިޔަން ނޭވީ އިން އިންތިޒާމް ކުރައްވައިގެން މިމަހުގެ 13 އިން 14 އަށް އިންޑިޔާގެ ކޮޗީގައި ބޭއްވުމަށް ހަމަޖެހިފައިވާ އިންޑިޔަން އޯޝަން ނޭވަލް ސިމްޕޯސިއަމް (އަޔަންސް) ގެ 10 ވަނަ އަހަރީ ދުވަސް ފާހަގަކުރުމަށްޓަކައި ބޭއްވުމަށް ހަމަޖެހިފައިވާ ރަސްމިއްޔާތުގައި ބައިވެރިވެވަޑައިގަތުމަށް ކުރައްވާ ދަތުރުފުޅެކެވެ.
މި ދަތުރުފުޅު ނިންމަވާލެއްވުމަށްފަހު ޗީފް އޮފް ޑިފެންސް ފޯސް އެނބުރި މާލެ ވަޑައިގަތުމަށް ހަމަޖެހިފައިވަނީ މިމަހުގެ 15 ވަނަ ދުވަހުއެވެ.
