ރައްޔިތުންގެ މަޖިލީހުގެ މެންބަރުންނަކީ ޕާޓީގެ އަޅުން ނޫން ކަމަށާއި އެއީ ގައުމުގެ ޚާދިމުން ކަމުގައި ކުރީގެ ޚާރިޖީ ވަޒީރު އަދި އދ. ގެ ސްޕެޝަލް ރެޕަރޓުއަރ ޑރ. އަޙްމަދް ޝަހީދު ވިދާޅުވެއްޖެއެވެ. ޑރ. ޝަހީދު ކުރެއްވި ޓުވީޓެއްގައި އެމަނިކުފާނު ވިދާޅުވެފައިވަނީ "ޕާޓީ ޓިކެޓުން ހޮވުނަސް، މަޖިލިސްގައި އިނދެވޭނީ މުޅި ދާއިރާ ތަމްސީލު ކުރުމަށް" ކަމަށެވެ.
Party ticketun hovunas, Majlis ga indheveynee mulhi dhaairaa thamseel kurumah. Membarunnaky qawm ge khaadhimum; party egge alhunneh noon!
— Ahmed Shaheed (@ahmedshaheed) November 9, 2018
އިއްތިހާދުން 12 މެންބަރުންނަށް ޓިކެޓް ކަށަވަރު ކޮށްދިނުމުން އެދާއިރާތަކަށް ކުރިމަތިލައްވާން ބޭނުންފުޅުވާ ކޯލިޝަން ހިމެނޭ ޕާޓީތަކުގެ މެންބަރުންނަށް ފުރުޞަތު ގެއްލޭނެއެވެ. ޑރ. ޝަހީދު ވިދާޅުވެފައިވާ ގޮތުގައި މަޖިލީހުގެ ގޮނޑިއަށް ވާދަކުރުމަށް ޝަައުގުވެރިވާ ހުރިހާ ފަރާތްތަަކަށް އެފުރުސަތު އޮންނަންވާނެ އެވެ. އަދި ސިޔާސީ ޕާޓީތަކާއި ކޯލިޝަން ގާނޫނަށްވުރެ އިސް ނުވާނެ އެވެ.
ގާނޫނު އަސާސީ އާއި އިންސާނީ ޙައްގުތަކާއި ޚިލާފަށް ހެދޭ އެއްވެސް ޑީލް އެއް ޞައްޙަ ނުވާނެ ކަމަށްވެސް ޝަހީދު ވިދާޅުވެފައިވެއެވެ. އިއްތިހާދުން ޑީލް ހައްދަވާފައިވާނަމަ، ހައްދަވާފއިވާ ޑީލްތައް ނޮވެންބަރު މަހުގެ 17ވަނަ ދުވަހުގެ ކުރީން ހާމަކުރެއްވުމަށް ޑރ. ޝަހީދު ވަނީ ބާރު އަޅުއްވާފައެވެ. ޑީލްތައް ހާމަނުކުރުއްވައިފިނަމަ އިއްތިހާދުގެ އެއްވެސް ވެރިޔަކަށް އިތުބާރު އިތުބާރު ނުކުރެވޭނެ ކަމަށް އެމަނިކުފާނު ވަނީ ވިދާޅުވެފައެވެ.
Coalition ge verin hahdhavaafaivaa deal thah 17/11 ge kurin haama nukuravvaifinama coalition ge evves veriyakah ithubaareh nukureveyne!
— Ahmed Shaheed (@ahmedshaheed) November 6, 2018
