މަރާލެވިފައިވާ މީހުންގެ މަރުގެ ހަގީގަތް ހޯދާނަން: ރައީސް ނަޝީދު

6:47 ރައީސް ނަޝީދު: އެއްވެސް މީހަކަށް ޖަލުގެ އަނިޔާ ލިބިގެންނުވާނެ. ފެންނަ ފޯޓޯތަކަށް ބަލާއިރު ކުރީގެ ނާއިބު ރައީސް އަހުމަދު އަދީބު ޖަލުގައި އުޅުއްވަނީ ވަރަށް ހާލުގައި.

6:45 ރައީސް ނަޝީދު: ޑރ. އަފްރާޝީމާއި، ރިޟްވާނާއި، ޔާމީންގެ މަރުގެ ޙަގީގަތް ހޯދުމުގެ ތަޙުގީގު ހިންގާނަން. އެކަން ކުރެއްވުމުގެ އިންތިޒާމް ވަރަށް އަވަހަށް ހަމަޖައްސަވާނަން.

6:42 ރައީސް ނަޝީދު: ރައީސް ޔާމީން އިންތިޚާބުގައި ބަލިވީ އެމަނިކުފާނު އަމިއްލަފުޅަށް.

6:41 ރައީސް ނަޝީދު: ބިން ވިއްކުމާއި ބިމުގެ ބޭނުން ކުރުން އެކި ބޭފުޅުން އެކިގޮތް ގޮތަށް ބިންބޭނުންކުރަނީ. ކޮންމެ އެއްޗެއް ވެސް ގިނަވަނީ ގަނެއްވިކުނީމައި. ގަނެވިއްކުމުގެ ވިޔަފާރިި އުސޫލު އެމްޑީޕީގައި އޮވޭ. އެކަން މަރައި ނުލެވޭނެ.

6:39 ރައީސް ނަޝީދު: ޕީޕީއެމްއަކީ ރައީސް ޔާމީންގެ ޕާޓީއެއްނޫން. ޕީޕީއެމްއޮތީ އަޅުގަނޑުމެން ކޯލިޝަނާއެކު. އިދިކޮޅަށް މިހާރު އޮތީ އެމްޑީއޭ އެކަނި.

6:38 ރައީސް ނަޝީދު: ޕީޕީއެމްއިން އެއްބާރުލުން ލިބޭނެ ކަމަށް އުންމީދެއް ނުކުރަން. ވާދަވެރިން ނުތިބޭނެ ކަމަށް އުންމީދެއް ނުކުރަން. ވާދަވެރި ސިޔާސީ ޕާޓީއެއް އޮތުން ވަރަށް މުހިންމު. އެންމެ ބޮޑަށް ޔަގީންވަނީ ޕީޕީއެމްގައި އެތިބަ މެމްބަރުންނަށް ދެން އެ ގޮނޑިއެއް ނުދޭނެ.

6:35 ރައީސް ނަޝީދު: ކޯލިޝަން ސަރުކާރު ރޫޅުނަނުދީ ހިފެހެއްޓުމުގެ މަސައްކަތް ކުރެވޭނެ. ގޮތްގޮތް ވެސް ހޯއްދެވޭނެ. އަޅުގަނޑާއި، އިބޫއާއި، ރައީސް މައުމޫނާއި، ޤާސިމާއި، އިމްރާނަކީ ވެސް މަޝްވަރާ ކުރެވޭނެ ބޭފުޅުން

6:34 ރައީސް ނަޝީދު: މިޑީއާ އަކީ ވަރަށް މިނިވަން ތަނެއްގެ ގޮތުގައި އިރާދަ ކުރެއްވިއްޔާ ބެލެހެއްޓޭނެ.

6:23 ރައީސް ނަޝީދު: މިޑީއާ ބައްޓަންކުރާނީ މީޑިއާ ކަމަށް އަޅުގަނޑުވެސް އިބްރާހީމް މުހައްމަދު ސާލިހުވެސް ނިންމަވާނީ. އެއާބެހޭ ގަވާއިދު ހަދައިގެން ގެންދިޔުން އެއީ މީޑިއާގެ ކަމެއް.

6:31 ރައީސް ނަޝީދު: އިބްރާހީމް މުޙައްމަދު ސާލިހުގެ ސަރުކާރުގައި ދެ ރައީސުން ހިމެނޭ. އެއީ ރައީސް މައުމޫން. އަޅގަނޑަކީ ވެސް ރައީސަކަން ކުރަން ފުރުސަތު ލިބުނު މީހެއް. ޤާސިމަކީ ސިނިއާ މަގާމްތަކެއް ފުރުއްވި ހިންގުންތެރިއެއް. އިމްރާނަކީ ވެސް އެފަދަ ބޭފުޅެއް. އެކަންކަމަށް ބަލާއިރު މިސަރުކާރު ވަރުގަދަވަނެ. އިބޫ އަކީ މޖިލީހުގައި އެތައް ދުވަހެއް ހޭދަކުރައްވައިފައިވާ ތަޖުރިބާކާރު ބޭފުޅެއް.

6:28 ރައީސް ނަޝީދު: އަޅުގަނޑުމެން ހިންގާ ޝަރީޢަތެއް ހިންގާނީ ދެފުށް ފެންނަގޮތަށް އިސްލާމީ އުސޫލުގެ މަތިން. އަޅުގަނޑުމެން މައްސަލަތައް ތަޙުގީގު ކުރާނަން.

6:27 ރިޔާސީ އިންތިޚާބަށްފަހު އެއްވެސް ކަމަކާ ރައީސް ޔާމީނާ މަޝްވަރާ ނުކުރަން.

6:26 އިބްރާހީމް މުޙައްމަދު ޞާލިޙަކީ ހިޔަންޏެއްނޫން. އެއީ މުގުލެއް. އެއްއިރެއްގައި ވެސް އަޅުގަނޑުމެން ދުރެއް ނުވާނެ. ރައީސް މައުމޫނާއި، ޤަސީމާއި، އިމްރާން ވެސް ބާކީވާނެ ތަނެއް ނުފެނޭ. އިރާދަ ކުރެއްވިއްޔާ ކުރިން ޖެހުނު ދަތުރެއް މިފަހަރު ނުޖެހޭނެ.

6:24 ކުރިން ރާއްޖެ ނައީ ބޭރުގައި ހުރެގެން ސަރުކާރު ބަދަލު ކުރުމަށް ފަސޭހަވުން. ބޭރުގައި ހުރެގެން ދިވެހުންގެ ޝުއޫރު ފާޚުކޮށްދެވޭތޯ ބެލިން. ބޭރުގައި ހުއްޓަސް ޓެކްނޮލޮޖީ ބޭނުންކޮށްގެން މަސައްކަތް ކުރެވުނު. ރައީސް ޔާމީންގެ ވެރިކަން ބަދަލު ކުރުން އަމާޒާއި މަގުސަދަކީ އެކަން ކުރުމަށް ރާއްޖެއައުން ބުއްދިވެރިކަމަށް ނުވާނެ ކަމަށް ވިސްނުނީ. އެހެންވެ ޔާމީންގެ ވެރިކަމުގައި ރާއްޖެ ނައީ.

6:22 ސާފުގޮތުގައި ވެރިކަން ހިންގުމަށް އެންމެ ރަނގަޅު ނިޒާމަކީ ބަރުލަމާނީ ނިޒާމް. އެއީ އަޅުގަނޑުގެ ފިކުރު. ކުރާކަމެއް ކުރާނީ އިބްރާހީމް މުހައްމަދު ސާލިހާ މަޝްވަރާ ކުރެއްވުމަށްފަހު. ދެބައޮޑުވައި، ރަހުމަތްތެރިކަން ގެއްލޭ ކަމަކަށް ސާބަސް ނުދޭނަން.

5:20 ރައީސް މައުމޫނާއި، ޤާސިމް އިބްރާހީމާއި، ޝައިޚް އިމްރާނާއި، އިބްރާހީމް މުޙައްމަދު ޞާލިހު ކުރެއްވި މަސައްކަތް އެއްގޮތަށްކަށްވެސް ހަނދާން ނައްތާލައިގެން ނުވާނެ.

5:19  އަޅުގަނޑުގެ އަންހެނުންނާއި، ކުދިންނާއި، އެކުކުގައި މަސައްކަތް ކުރެއްވި ކުރައްވާ ބޭފުޅުންނަށް ޝުކުރު ދަންނަވަން.

5:17 ތަރައްޤީއަކީ ރައްޔިތުންގެ ޖީބަށް ވަންނަ ފައިސާ. ތަރައްގީއަކީ ރައްޔިތުންނަށް އަންނަ ބަދަލެއް. އެކަން ތިޔަބޭފުޅުންނަށް ކޮށްދެއްވާނަން.

5:16 އަޅުގަނޑު މިހުރީ އިބްރާހީމް މުޙައްމަދު ޞާލިޙުގެ ވެރިކަން ދިފާޢުކޮށްދޭން. ނޭވާލާހާ ހިނދަކު އެކަންކުރާނަން. ރޭ އެރި ތަރި މިރޭއަރަނީ އެހެންތާކުން. އެއްވެސް ކަމަކީ އެއްގޮތަކަށް އޮންނާނެ ކަމެއްނޫން.

5:15 ގުޅިފައިފައިވާ ޕާޓީތަކުގެ އަމާޒަކީ ފާހަގަތި ދިރިއުޅުމެއް ރައްޔިތުންނަށް ހޯއްދަވައި ދެއްވުން. އެކަން ކޮށްދެއްވާނަން.

5:13 އަޅުގަނޑާއި އިންތިޚާބީ ރައީސް މިވަނީ ތިޔަ ބޭފުޅުންނަށް ދަރާފައި. އެދަރަނި އަދާކޮށްދޭނަން. ތިޔަބޭފުޅުންނަށް ބޯހިޔާވަހިކަން ހޯދައިދޭނަން. އަޅުގަނޑަކީ ފުލެޓުދޮންބެ.

5:09 ރައީސް ނަޝީދަށް މަރުޙަބާ ދެންނެވުމުގެ ޙަރަކާތުގައި ޝައިޚް ޢިމްރާން ބައިވެރިވެ ވަޑައިގަންނަވަން ފަށްޓަވައިފި. ޢިމްރާންގެ އިތުރަށް ޤާސިމް އިބްރާހީމް ވެސް އެ ޙަރަކާތުގައި ބައިވެރިވެ ވަޑައިގަންނަވާ. ރައީސް މައުމޫނަށް މި ޙަރަކާތުގައި ބައިވެރިވެ ވަޑައިނުގަނެވުނީ ބޭސްފަރުވާއަކަށް ރާއްޖެއިން ބޭރުގައި އުޅުއްވާތީ.

5:03 ރައީސް ނަޝީދު އާޓިފިޝަލް ބީޗު ސަރަޙައްދަށް ވަޑައިގެންފި.

4:35 ރައީސް ނަޝީދު މިހާރު ވަނީ މަޖީދީމަގަށް ވަޑައިގެންފައި. އެމަނިކުފާނު މިހާރުވަޑައިގަންނަވަނީ މަޖިދީމަގުން އިރަށް. އެމަނިކުފާނު ވަޑައިގަންނަވާއިރު ރައްޔިތުންގެ ތާއީދުއޮތް ކަމުގެ ޝުޢޫރުތައް ރައްޔިތުން ގެންދަނީ ފާޅުކުރަމުން.

4:15 ރައީސް ނަޝީދު ހިންގަވާފައި ވަޑައިގަންނަވާއިރު އަރިހުގައި އަނބިކަނބަލުން ލައިލާ ޢަލީއާއި، އިންތިޚާބީ ރައީސް އިބްރާހީމް މުޙައްމަދު ޞާލިޙާއި، އިންތިޚާބީ ނާއިބު ރައީސް ފައިސަލް ނަސީމް އެބަތިއްބެވި.

4:15 ރައީސް ނަޝީދު ހިންގަވާފައި މިހާރު ވަޑައިގަންނަވަނީ ޗާންދަނީމަގުން. އެމަގުން ވަޑައިގެން ދެން ނުކުންނަވާނީ މަޖީދީ މަގަށް. މަޖީދީ މަގުން ވަޑައިގަންނަވާނީ އާޓިފިޝަން ބީޗު ސަރަޙައްދަށް. ޗާންދަނީ މަގަށް ވެސް ވަރަށްގިނަ މީހުންވަނީ ޖަމާވެފައި. އެއްވެފައިތިބި މީހުން ގެންދަވަނީ އެމަނިކުފާނަށް ތަރުޙީބު ދެއްވަމުން.

4:09 ރައީސް ނަޝީދަށް މަރުޙަބާ ދެންނެވުމަށް ވަރަށްގިނަ ޢަދަދެއްގެ މީހުންވަނީ އެއްވެފައި.

4:07 ރައީސް ނަޝީދު މިހާރު ގެންދަވަނީ އެމަނިކުފާނުގެ ސަޕޯޓަރުންނާ ސަލާމް ކުރައްވަމުން. ގިނަ ދުވަސްތަކަށްފަހު އެމަނިކުފާނު ރާއްޖެ ވަޑައިގެންނެވުމުން އެމަނިކުފާނާއި ސަޕޯޓަރުން ތިއްބެވީ ނިހާޔަތަށް އުފާވެފައި.

4:02 ރައީސް ނަޝީދުގެ ދެކަނބަލުން އިންތިޚާބީ ރައީސް އިބްރާހީމް މުޙައްމަދު ޞާލިޙާއެކު އެއް ނަމްބަރު ފާލަމަށް ފައިބައި ވަޑައިގެންނެވުމުން ތަރުޙީބުގެ ހޫނު އަތްތިލަބަޑި ޖަހަފައިވޭ.

4:00 ރައީސް ނަޝީދު ވަޑައިގަންނަވާ ލޯންޗުކޮޅު މާލެ ބަނދަރުގެ ނެރުން ވަދެއްޖެ.

3:56 ރައީސް ނަޝީދު ވަޑައިގަންނަވާ ލޯންޗުކޮޅު މާލެ ބަނދަރުގެ ނެރުން ވަދެއްޖެ.

3:50 ރައީސް ނަޝީދު ސަޕޯޓަރުން ގެންދަވަނީ އެމަނިކުފާނަށް މަރުޙަބާ ދެންނެވުމަށް މަޖީދީމަގަށް އެއްވަމުން.

3:22 ރައީސް ނަޝީދު ގެންދަވަނީ މާލެ ވަޑައިގެންނެވުމުގެ ކުރިން އެއާޕޯޓަށް ގޮސްތިބި ސަޕޯޓަރުންނާ ސަލާމް ކުރައްވަމުން.

3:02 ރައީސް ނަޝީދު މިހާރު ގެންދަވަނީ ޑިއުޓީފްރީ ބައްލަވަމުން.

2:58 ރައީސް ނަޝީދު ހުޅުލެއިން މާލެ ވަޑައިގެންނެވުމަށް ފުރައި ވަޑައިގެންފި.

3:00 މިއަދު ހަވީރު ރައީސް ނަޝީދު ރާއްޖޭގެ ނޫސްވެރިންނާ ބައްދަލު ކުރައްވާނެ.

2:58 ރައީސް ނަޝީދު ހުޅުލެއިން މާލެ ވަޑައިގެންނެވުމަށް ތައްޔާރުވެވަޑައިގަންނަވަނީ.

2:51 ރައީސް ނަޝީދަށް ކަނޑުމަތިން މަރުޙަބާ ދެންނެވުމަށް ތަފާތު އުޅަނދުފަހަރު ދަނީ ޙަރަކާތްތެރިވަމުން.

2:40 ރައީސް ނަޝީދު މިހާރު ގެންދަވަނީ އިސްތިގުބާލުގައި ތިއްބެވި ބޭފުޅުންނާ ސަލާމތް ކުރައްވަމުން.

2:45  ރައީސް ނަޝީދަށް މާލެއިން މަރުޙަބާ ދެންނެވުމަށް ސަޕޯޓަރުން ގެންދަވަނީ ތައްޔާރުވަމުން. އެމަނިކުފާނަށް އެންމެމަތީ ދަރަޖައިގައި މަރުޙަބާ ދެންނެވޭ.

2:43 ރައީސް ނަޝީދު ވީއައިޕީއަށް ވަދެ ވަޑައިގެން އެމަނިކުފާނުގެ އިސްތިގުބާލުގައި ތިއްބެވި ބޭފުޅުންނާ ބައްދަލުކުރައްވަނީ. އެމަނިކުފާނަށް މަރުޙަބާ ދެންނެވުމަށް އިންތިޚާބީ ނާއިބު ރައީސާއި، ޕާޓީތަކުގެ އިސް ބޭފުޅުން ވެސް އެބަތިއްބެވި.

2:40 ރައީސް ނަޝީދަށް މަރުޙަބާ ދެންނެވުމަށް އެމަނިކުފާނުގެ މަންމާފުޅާއި އެމްޑީޕީގެ ނާއިބުރު ރައީސް މުޙައްމަދު ޝިފާޒު އެބަތިއްބެވެ. މިހާރު އެމަނިކުފާނު ބޯޓުން ފައިބާ ވަޑައިގަންނަވައިފި.

14:37:58 ރައީސް ނަޝީދަށް އެއާޕޯޓުންނާއި، ކަނޑުމަތިންނާއި މާލެއިން ހޫނު މަރުޙަބާއެއް ދެންނެވުމަށްވަނީ ހަމަޖެހިފައި. އެމަނިކުފާނަށް މަރުޙަބާ ދެންނެވުމަށް ސަޕޯޓަރުން ގެންދަވަނީ ޖަމާވަމުން.

14:35:29 ރައީސް ނަޝީދުގެ އަރިހުގައި އިންތިޚާބީ ރައީސް އިބްރާހީމް މުޙައްމަދު ޞާލިޙާއި، ޤައުމުން ބޭރަށް އަމިއްލައަށް އަރުވައިލެވިގެން ތިއްބެވި ބޭފުޅުން ވަޑައިގެންނެވި.

14:34:16 ރައީސް ނަޝީދު ރާއްޖެ މިވަޑައިގެންނެވީ ތިންއަހަރެއްހާ ދުވަސް ވަންދެން ރާއްޖެއިން ބޭރުގައި އުޅުއްވުމަށްފަހު.

14:32:51 ރައީސް ނަޝީދު މާލެ ވަޑައިގަންނަވާ މަތިންދާބޯޓު ވެލާނާ އިންޓަރނޭޝަނަލް އެއާޕޯޓަށް ދެންމެ ޖައްސައިފި.