ކީރިތި ގުރުއާނާ ބެހޭ މަރުކަޒުގެ ގޮތްޕެއް ހުވަދުއަތޮޅު ދެކުނުބުރީ ފަރެސްމާތޮޑާގައި މިއަދު ހުޅުވައިފިއެވެ.
ފަރެސްމާތޮޑާ މާއިރާ ޕްރީސްކޫލުގައި ބޭއްވި ކުޑަ ރަސްމިއްޔާތެއްގައި އެތަންހުޅުވައި ދެއްވީ ފަރެސްމާތޮޑާ ކައުންސިލްގެ ރައީސް ނަސްރުﷲ މުހައްމަދެވެ.
އޭނާ ވިދާޅުވީ ގުރުއާނާބެހޭ މަރުކަޒުގެ ގޮތްޕެއް ހުޅުވަން ތައްޔާރުވެފައިވާތާ ދުވަސްތަކެއް ވެފައިވާ ކަމަށެވެ. ތަފާތު ސަބަބުތައް މެދުވެރިވެގެން އެތަން ނުހުޅުވި ލަސްވެގެންދިޔައީ ކަމަށް ވެސް އޭނާ ވިދަޅުވިއެވެ.
އެތަނުގައި ކިޔަވައި ދެއްވާ ޤާރީ އެރަށަށް އައިސް ހުންނަތާ ވެސް ދެމަހެއްހާ ދުވަސް ވެއްޖެއެވެ. އެ ތަގާއި ކިޔަވައި ދެއްވާނީ ސޫދާނުގެ ޤާރީއެކެވެ. އެތަން މިއަދު ހުޅުވިޔަސް ކިޔެވުން ފެށުމަށް ހަމަޖެހިފައިވަނީ މާދަމާއެވެ. މިހާތަނަށް 174 ވަރަކަށް މީހުން އެތަނުގައި ރަޖިސްޓްރީ ކޮށްފައި ވާކަމަށް ވެސް ނަސްރު ވިދާޅުވިއެވެ.
