ހުވަދުއަތޮޅު އުތުރުބުރީ ކޮނޑޭ ކައުންސިލްގެ ރައީސް އަހުމަދު އަބްދުލްހަކީމް އެމްޑީޕީއަށް މިއަދު ސޮއިކުރައްވައިފިއެވެ. އޭނާއާއެކު އެރަށުގެ އިތުރުބަޔަކު ވެސް ސޮއިކުރިއެވެ.
އަހުމަދު އަބްދުލްހަކީމް އެމްޑީޕީއަށް ސޮއިކުރެއްވީ އިދިކޮޅު ރިޔާސީ ކެންޑިޑޭޓް އިބްރާހީމް މުހައްމަދު ސާލިހު (އިބޫ) ކުރައްވަމުން ގެންދަވާ ދަތުރުފުޅުގައި މިއަދު އެރަށަށް ވަޑައިގެން ބޭއްވި ރަސްމިއްޔާތެއްގައެވެ. އޭނާ ކައުންސިލަށް އިންތިޚާބު ވެފައިވަނީ މިނިވަން ކެންޑިޑޭޓެއްގެ ގޮތުގައެވެ.
އޭނާއާއެކު އެމްޑީޕީއަށް ސޮއިކުރެއްވި މީހުންގެ ތެރޭގައި ސަރުކާރުގެ އޮފީސްތަކުގެ ބައެއް މުވައްޒަފުންނާއި، އެރަށުގެ ބައެއް އިސްމީހުންނާއި ވިޔަފާރިވެރިން ހިމެނެއެވެ.
