ބުރާސްފަތި ދުވަހު ލޮސް އެންޖެލިސްގައި އޮތް އޭއެފްއައި ލައިފް އެޗީވްމަންޓް އެވޯޑް ގާލާ ޓްރިބިއުޓްގައި ހޮލީވުޑްގެ އެކްޓަރު ޖޯޖް ކްލޫނީއަށް ލައިފް އެޗީވްމަންޓް އެވޯޑް ދީފިއެވެ. މިއަހަރުގެ ހަފްލާ އަކީ ޖޯޖް އަށް ޚާއްޞަ ހަފްލާއަކަށް ވުމުން ހަފްލާގެ 'ގެސްޓް އޮފް އޮނަރ' އަކީ ވެސް އުމުރުން 57 އަހަރުގެ ޖޯޖް އެވެ. އޭނާ އަށް އިނާމްް ހަވާލުކުރީ ޖޫލިއާ ރޮބަރޓްސް އެވެ.
ހަފްލާގައި އޭނާ މިހާތަނަށް ހޯދާފައިވާ ކާމިޔާބީ ފާހަގަކޯށްފައިވެއެވެ. އެގޮތުން 'ރޮޒޭން' އާއި 'ފެކްޓްސް އޮފް ލައިފް' އަދި 2005ވަނަ އަހަރު 'ސީރިއާނާ' އިން އެންމެ މޮޅު ސަޕޯޓިން އެކްޓަރުގެ އޮސްކާ އިނާމާއި 2012 ވަނަ އަހަރު އުފެއްދި 'އާގޯ' އޮސްކާގައި އެންމެ މޮޅު ފިލްމުގެ އިނާމް ލިބިފައިވާ ކަން ފާހަގަކުރިއެވެ. މީގެ އިތުރުންވެސް ފިލްމް އިންޑަސްޓްރީގައި އޭނާ ހޯދައިފައިވާ ކުރިއެރުންތައް މިހަފްލާގައި ފާހަގަ ކުރިއެވެ.
https://instagram.com/p/Bjv8eF7gdke/
އޭއެފްއައި ލައިފް އެޗީވްމަންޓް އެވޯޑަކީ 1973ވަނަ އަހަރުން ފެށިގެން އެމެރިކަން ފިލްމް އިންސްޓިޓިއުޓުން ކޮންމެ އަހަރަކު ދޭ އިނާމެކެވެ.
ޖޯޖް އާއި އަމަލް އަށް މިދިޔައަހަރު ވަނީ އެއްމާބަނޑު ދެ ދަރީން ލިބިފައެވެ. އެއީ އެލާ އާއި އެގްޒެންޑަރ އެވެ. ޖޯޖް ބުނެފައިވަނީ އުމުރުން 56 އަހަރުގައި ޕޭރެންޓަކަށް ވެދާނެ ކަމަކަށް އޭނާ ހީއެއް ނުކުރެއެވެ.
