ސްރީ ދޭވީ ގެ ދަރިފުޅު ޖާންވީ ކަޕޫރް އާއި ޝާހިދް ކަޕޫރްގެ ކޮއްކޮ އިޝާން ޚައްތަރުގެ އެކުގައި ކުޅޭ ފިލްމު މިއަހަރުގެ ޖުލައި މަހުގެ 20ވަނަ ދުވަހު ނެރޭނެއެވެ. މި ފިލްމަކީ ޖާޏްވީގެ ފުރަތަމަ ފިލްމު ކަމުގައި ވީ ނަމަވެސް މިއީ އިޝަންގެ ދެވަނަ ފިލްމެވެ.
ބުރާސްފަތި ދުވަހު "ދަޅަކް" ގެ އާ ޕޯސްޓަރެއް މީސްމީޑިއާގައި ޝެއަރ ކުރަމުން ފިލްމުގެ ޕްރޮޑިއުސަރު ކަރަން ޖޯހަރު ވަނީ ފިލްމުގެ ޓްރެއިލަރ ވަރަށް އަވަހަށް ނުކުންނާނެ ކަމަށް ބުނެފައެވެ. ޕޯސްޓަރުން ފެންނަ ފޮޓޯ ނަގާފައިވަނީ 'ހޯލީ" ގެ ބެކްޑްރޮޕެއްގައެވެ. އިޝާން އާއި ޖާންވީ ގައިގައި ވެސް ކުލަ އުނގުޅާފައި ހުރެއެވެ. މިހާތަނަށް ފިލްމު ސެޓުން އާއްމުވެފައިވާ ފޮޓޯ ތަކާއި އަދި ފިލްމުގެ ޕޯސްޓަރުތަކުން އުމުރުން 20 އަހަރުގެ ޖާންވީ އާއި އޭނާގެ މަންމަ ސްރީދޭވި އާއި ވަރަށް ވައްތަރެވެ.
ޖާންވީ އާއި އިޝާން ލޯބީގެ ގޮތުން ގުޅީގެން އުޅޭ ކަމުގެ ވާހަކަތަކެއްވެސް ބޮލީވުޑް ޚަބަރުތައް ގެނެސްދޭ ނޫސްތަކުން ރިޕޯޓްކުރެއެވެ. ފިލްމެއްގެ ޝޫޓިން ތެރޭގައި ފިލްމުގައި މަސައްކަތް ކުރާ ތަރީން ލޯބިގެ ގޮތުން ގުމަކީ ބޮލީވުޑްގައި ވަރަށް އާއްމުކަމެކެވެ. އިޝާން އާއި ޖާންވީ އެކުގައި ރެސްޓޯރެންޓް ތަކުންނާއި އަދި ސިނަމާތަކަށް ވަރަށް ގިނައިން ގޮސް އުޅެއެވެ.
ދަޅަކް އަކީ ޝެޝާންކް ޚައިތާން ޑައިރެކތްކޮށް ކަރަން ޖޯހަރް ޕްރޮޑިއުސް ކުރުާ ފިލްމެކެވެ.
