އިލެކްޝަން ކޮމިޝަނުގެ ރައީސް ކަމުގައި ހުންނެވި އަޙްމަދު ސުލައިމާން އިސްތިއުފާ ދެއްވުމާއި ގުޅިގެން ކޮމިޝަނުން ހުސްވެފައިވާ މެމްބަރު ކަމުގެ މަގާމަށް ފެނަކަ ކޯޕަރޭޝަނުގެ މެނޭޖިން ޑިރެކްޓަރު ކަމުގައި މިހާރު ހުންނެވި އަޙްމަދު ޝަރީފްގެ ނަން ރައްޔިތުންގެ މަޖިލީހަށް ރައީސުލްޖުމްހޫރިއްޔާ އަބްދުﷲ ޔާމީން ފޮނުއްވައިފިއެވެ.
މަޖިލީހުގެ ތިމަރަފުށީ ދާއިރާގެ މެމްބަރުކަންވެސް ކުރައްވާފައިވާ ޝަރީފުގެ ނަން ރައީސް ޔާމީން ރައްޔިތުންގެ މަޖިލީހަށް ފޮނުއްވުމާއެކު މާދަމާ އޮންނަ މަޖިލީހުގެ ޖަލްސާގެ އެޖެންޑާއަށް މިހާރު ވަނީ އެކަން ހިމަނާފައެވެ. ޝަރީފަކީ މީގެކުރިންވެސް އިލެކްޝަން ކޮމިޝަނުގައި މަސައްކަތް ކުރައްވާފައިވާ ބޭފުޅެކެވެ.
އިލެކްޝަން ކޮމިޝަނުގެ ރައީސް ކަމުގައި ހުންނެވި ސުލައިމާން މިހާރު ވަނީ ނޭޝަނަލް އިންޓެގްރިޓީ ކޮމިޝަނުގެ މެމްބަރު ކަމަށް ރައީސް އައްޔަން ކުރައްވާފައެވެ.