2023 ވަނަ އަހަރުގެ ރިޔާސީ އިންތިުޚާބުގައި އެމްޑީޕީއަށް ތާއީދުކުރަން އަދާލަތު ޕާޓީން ނިންމައިފިއެވެ. އެ ޕާޓީން އެމްޑީޕީއާ އިއްތިހާދުވާން ނިންމީ ރައީސުލްޖުމްހޫރިއްޔާ ޕާޓީއަށް ދެއްވި ދައުވަތާމެދު ގޮތެއް ނިންމަން ބޭއްވި ބައްދަލުވުމަކަށް ފަހުގައެވެ.
އަދާލަތިު ޕާޓީން ނެރުނު ބަޔާނެއްގައި ބުނެފައިވާ ގޮތުގައި އެ ޕާޓީން މި ގޮތަށް ނިންމީ ދިވެހިރާއްޖެ މިހާރު އޮތް ހާލަތަށް ބަލާއިރު މަސްލަހަތުތައް ހިމާޔަތް ކުރަން އެންމެ ފަހިކޮށް މަސައްކަތްކުރެވެން އޮތީ ދެވަނަ ދައުރަކަށް މިހާރުގެ ރައީސުލްޖުމްހޫރިއްުޔާ އިންތިހާބުކޮށްގެން ކަމަށް އެ ޕާޓީގެ މަޝްވަރާ މަޖިލީހަށް ފެންނާތީއެވެ.
އަދާލަތު ޕާޓީއަކީ މިހާރުވެސް އެމްޑީޕީގެ އިއްތިހާދީއެކެވެ. ސަރުކާރާއި ދައުލަތުގެ އެކި މަގާމުތަކުގައި އެމްޑީޕީގެ މެންބަރު ވަޒީފާ އަދާކުރައްވަމުން އެބަ ގެންދަވައެވެ. ޕާޓީގެ ރައީސް އައްޝައިޚް ޢިމްރާން ޢަބަދުﷲ އަކީ މިހާރު ރާއްޖޭގައި އޮތް ސަރުކާރުގެ ދާޚިލީ ވަޒީރެވެ. އަދި ސަރުކާރުގެ ދިފާޢުގައި އެންމެ ބާރަށް ވާހަކަފުޅު ދައްކަވާ އެއް ވަޒީރެވެ.