ތަފާތު ޙުކުމްތަކާއެކު ޖަލަށް ޙުކުމް ކޮށްފައިވާ ހުރިހާ ސިޔާސީ ލީޑަރުން މިނިވަންކޮށް ދޫކޮށްލުމަށް ސުޕްރީމް ކޯޓުން މިރޭ އަމުރު ނެރެފިއެވެ.
ސުޕްރީމް ކޯޓުން މިރޭ ކުރި ޙުކުމްގައި ވަނީ ކުރީގެ ރައީސް މުޙަންމަދު ނަޝީދާއި ޖުމްހޫރީ ޕާޓީގެ ލީޑަރު ގާސިމް އިބްރާހިމް އާއި އަދާލަތު ޕާޓީގެ ރައީސް ޝައިޚް އިމްރާން އަބްދުﷲ އާއި ކުރީގެ ނައިބު ރައީސް އަޙްމަދު އަދީބާއި ކުރީގެ ޑިފެންސް މިނިސްޓަރު ކާނަލް މުޙަންމަދު ނާޒިމް އާއި ކުރީގެ ޕީޖީ މުހްތާޒް މުޙްސިން އާއި ދިއްގަރު ދާއިރާގެ މެމްބަރު ފާރިޝް މައުމޫންގެ އިތުރުން ޖަލަށް ލާފައިވާ ގާޒީ ނިހާން އާއި ވިޔަފާރިވެރިޔާ ޙާމިދު އިސްމާއީލް މިނިވަން ކުރަން ވަނީ ޙުކުމް ކޮށްފައެވެ.
މީގެތެރެއިން ބަޔެއް ބޭފުޅުންނަކީ ދިގު މުއްދަތަށް ޖަލަށް ލާފައިވާ ބޭފުޅުންނެވެ. ބަޔެއް ލީޑަރުން މިވަގުތު ތިއްބެވީ ރާއްޖެއިން ބޭރުގައެވެ.