ޕްރިންސް ހެންރީ އޮފް ވޭލްސް އާއި މެގަން މާކެލް ކައިވެނި ކުރައްވާ ތާރީޚު މިއަދު ހާމަ ކޮށްފިއެވެ. މިކަން އިއުލާން ކޮށްފައިވަނީ ކެންސިންޓަން ޕެލެސްގެ ރަސްމީ މީސްމީޑިއާގައެވެ. އިންސްޓެގްރާމުގައިވާ ޕޯސްޓެއްގައި ވާ ގޮތުން މެގަން އާއި ހެރީ ކައިވެނި ކުރައްވާނީ 2018 ވަނަ އަހަރުގެ މޭ މަހުގެ 19 ވަނަ ދުވަހު އެވެ. އަދި ކައިވެނީގެ ރަސްމިއްޔާތު އޮންނާނީ ކުރިންވެސް އިއުލާން ކޮށްފައިވާ ގޮތަށް ވިންޑްސަރ ކާސްލް ގެ އެސް.ޓީ ޖޯޖް ޗެޕަލް ގައި ކަމަށްވެސް މި ޕޯސްޓުގައި ލިޔެފައިވެއެވެ.
އުމުރުފުޅުން 33 އަހަރުވީ ހެރީ އާއި އުމުރުން 36 އަހަރުވީ މެގަން އެންގޭޖް ވެވަޑައިގަތް ކަން އިއުލާން ކުރެއްވީ މިދިޔަ ނޮވެންބަރު މަހުގެ 27 ވަނަ ދުވަހު އެވެ. މެގަން އާއި ހެރީ އެންގޭޖް ވެ ވަޑައިގަތީ ދެބޭފުޅުންގެ ގުޅުމަށް އަހަރެއް ވަރު ވީ ފަހުން ކަމަށް ބީބީސީ އަށް ދެއްވި ޚާއްޞަ ބަސްދީ ގަތުމެއްގައި އެ ދެ ބޭފުޅުން ވަނީ ވިދާޅުވެފައެވެ.