މިއީ ވަރަށް ފަސޭހައިން އަވަހަށް ތައްޔާރު ކޮށްލެވޭނެ ސެލަޑެކެވެ. ނުވަތަ ސަޓަންޏެކެވެ. ސައިޑް ޑިޝް އެއްގެ ގޮތުގައި ރޯދަ ވީއްލުމަށާއި ހާރުކެއުމަށް ކަމުދާނެ ހަށިގަނޑަށް ފައިދާ ހުރި ބާވަތެކެވެ.
ބޭނުންވާތަކެތި
- 450 ގްރާމް ކެރޮޓް (ދިގުކޮށް ގާނާފައި)
- 3 ކަދުރު (އޮށްނަގައި ކުދިކޮށް ކޮށާފައި)
- ¼ ޖޯޑު ޕިސްތާޝިއޯ (ކުދިކޮށް ކޮށާފައި)
- ⅓ ޖޯޑު ކޮރިއެންޑާ ލީފް (ހިމުންކޮށް ކޮށާފައި)
- ¼ މިންޓް ލީފް ( ބޭނުންނަމަ)
ސެލަޑް ޑްރެސިންގ އަށް
- 2 މޭޒުމަތީ ސަމުސާ އެކްސްޓްރާ ވާޖިން އޮލިވް އޮއިލް
- 2 މޭޒުމަތީ ސަމުސާ ތާޒާ ލެމަން ޖޫސް
- 1 މޭޒުމަތީ ސަމުސާ ޓާހިނީ ނުވަތަ ޕީނަޓް ބަޓަރ
- 1 މޭޒުމަތީ ސަމުސާ މާމުއި
- 1 ކުޑަ ލޮނުމެދު (ހިމުންކޮށް ގާނާފައި)
- ¼ ސައިސަމުސަލުގެ ދިރި
- ¼ ސައިސަމުސާ ސީ ސޯލްޓް ނުވަތަ އާދައިގެ ލޮނު
ތައްޔާރު ކުރާނެ ގޮތް
1- ގާނާފައި ހުރި ކެރޮޓް ކޮޅު ބޮޑު ބޯތަށްޓަކަށް އަޅާލުމަށް ފަހު އޭގެ މައްޗަށް ކަދުރުކޮޅު އަޅާލާށެވެ.
2- ކުޑަ ބޯތަށްޓެއްގައި ސެލަޑް ޑްރެސިންގ އަށް ހޯދި ތަކެތި އެއްކޮށްލުމަށްފަހު ރަނގަޅަށް ގިރާލާށެވެ.
3- ސެލަޑް ޑްރެސިންގ ތައްޔާރު ކުރުމަށްފަހު، ކެރޮޓުތައް މައްޗަށް އަޅާލާ އެއްކޮށްލާށެވެ. ދެން ކޮށައިފައި ހުރި ޕިސްތާޝިއޯ އާއި ކޮރިއެންޑާ ސެލަޑްގެ މައްޗަށް އަޅާލާށެވެ. ބޭނުންނަމަ ސެލަޑް ތަށީގެ އެންމެ މައްޗަށް މިންޓް ލީފް އަޅާލެވިދާނެއެވެ.
ނޯޓް: މި ސެލެޑް ތިން ދުވަސް ވާންދެން އައިސް އަލަމާރީގައި ބަހައްޓައިގެން ބޭނުން ކުރެވިދާނެއެވެ. ނަމަވެސް އެންމެ ރަނގަޅީ ތާޒާކޮށް ކެއުމެވެ.