ޢުމުރުން 18އަހަރުން މަތީގެ މީހުންނަށް މާދަމާއިން ފެށިގެން ވެކްސިން ޖެހޭގޮތަށް ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ނިންމައިފިއެވެ.
އެޗްޕީއޭއިން ހާމަކުރައްވާފައިވާ ގޮތުގައި ޢުމުރުން 18 އަހަރުން މަތީގެ މީހުންނަށް އަދި ވެކްސިން ދިނުމަށް މާދަމާ ފަށާނީ އަދި މާލެ ސަރަޙައްދުގެ ސެންޓަރުތަކުންނެވެ. އަތޮޅުތަކުގެ ސެންޓަރުތަކުން ކޮވިޑް-19އިން ދިފާޢުވުމށް ދޭ ވެކްސިން ރާއްޖޭގައި ދިނުމުގެ ޕްރޮގްރާމް ފަށާފައިވަނީ މިދިޔަ މަހުގެ ފުރަތަމަ ދުވަހުއެވެ.
މިހާރު މިވެކްސިން ދިނުމުގެ ކަންކަން މާލެ ސަރަޙައްދުގެ 7 ސެންޓަރަކާއި އަތޮޅުތަކުގެ 169 ސެންޓަރުގައި ވަނީ ފަށާފައެވެ. އަދި މާލެ ސަރަޙައްދުގައި 2 މޯބައިލް ވެކްސިނޭޝަން ޓީމްވެސް ދަނީ ހަރަކާތްތެރިވަމުންނެވެ.