މާފުށި ޖަލު ހިމެނޭ ސަރަހައްދަށް ޤަވާޢިދާ ޚިލާފަށް ބަޔަކުވަނުމާއެކު ޖަލުވަނީ ކުއްލި ޙާލަތަށް ގެނެސްފައިކަމަށާ، އެއްވެސް ޤައިދީއަކު ޖަލުން ފިލާފައި ނުވާކަމުގެ ޔަޤީންކަން ދެއްވާކަމަށް ކޮމިޝަނާ އޮފް ޕްރިޒަންސް އަޙްމަދު މުޙައްމަދު ފުޅު ވިދާޅުވެއްޖެއެވެ.
އޭނާ މިގެން ވިދާޅުވީ މާފުށީ ޖަލުން ދެ ޤައިދީއަކު ފިލާފައިވާކަމަށް ބައެއް މީޑިއާތަކުން ރިޕޮޓުކޮށްފައިވަނިކޮށް ކުރެއްވި ޓްވީޓެއްގައެވެ.
މާފުށި ޖަލު ސަރަހައްދަށް މިރޭ ބޭރުން ބަޔަކު ގަވައިދާ ހިލާފަށް ވަން ކަމުގެ މައުލޫމާތު ލިބިގެން ޖަލު ވަނީ ކުއްލި ހާލަތަށް ގެނެވިފައެވެ. އަދި ޖަލުން އެއްވެސް ގައިދީއެއް ފިލާފައި ނުވާކަން ކަށަވަރު ކޮށްދެމެވެ.
— Ahmed Mohamed (@ahumadhumohamed) January 6, 2021
މާފުށީ ޖަލުގައި ހިނގައިގެން އުޅޭ ހާދިސާއަކާގުޅިގެން ޖަލު އޮފިސަރުންނާއި، ފުލުހުން ގުޅިގެން ބަލައިފާސްކުރުމުގެ އޮޕަރޭޝަނެއް ކުރިއަަށް ގެންދަންކަމަށް ފުލުހުންވަނީ މީޑިއާއަށް ހާމަކުރައްވާފައެވެ.