އައްޑޫ ސިޓީ ހިތަދޫގެ މަގުމަތިން ބަނގްލަދޭޝް ރައްޔިތަކު ހޮވި އެއްލައްކަ ރުފިޔާ ވެރިފަރާތާއި ހަވާލުކޮށްފިއެވެ.
ފުލުހުންގެ މީޑިއާއިން ވިދާޅުވީ، ބަނގްލަދޭޝް ރައްޔިތަކަށް، މިދިޔަ ހޮނިހިރުދުވަހު ހެނދުނުގެ ވަގުތެއްގައި ހިތަދޫ މަގެއްގެ މަތިން އެއްލައްކަ ރުފިޔާ ފެނުމުން ހިތަދޫ ޕޮލިސް ސްޓޭޝަނާ އެފައިސާ ހަވާލުކޮށްފައިވާ ކަމަށެވެ.. ފައިސާގެ ވެރިފަރާތް ހޯދައި އެދުވަހު މެންދުރު 13:35 ހާއިރު އެ ފައިސާ ވެރިފަރާތާ ހަވާލުކޮށްފައެވެ.
ފުލުހުންވިދާޅުވީ މަގުމަތިން އެއްލައްކަ ރުފިޔާ ހޮވައިގެން އެފައިސާ ފުލުހުންނާއި ހަވާލުކުރި ބަނގްލަދޭޝް މީހާއަށް ހިތަދޫ ޕޮލިސް ސްޓޭޝަނުން ޝުކުރު އަދާކޮށްފައިވާކަމަށެވެ.