ދާއިމީ ބަލިތަކަށް ނުވަތަ ކޮންމެހެން ކާންޖެހޭ ބޭސްތައް ބޭނުންވާ ފަރާތްތަކަށް އެ ބޭސް ފޮނުވައިދިނުމުގެ ޚިދުމަތް އެސްޓީއޯއިން ފަށައިފިއެވެ.
އެސްޓީއޯއިން މި މަސައްކަތް ފަށާފައިވަނީ ކޯވިޑް އޮޕަރޭޝަންގައި ހަރަކާތްތެރިވާ އެހެން ކޮމާންޑް ސެންޓަރުތަކާއި ގުޅިގެންނެވެ. އެގޮތުން މާލެ އާއި ހުޅުމާލޭގައި ދިރިއުޅޭ ފަރާތްތަކުގެ ތެރެއިން ބޭސް ސިޓީތަކަށް ބޭސް ބޭނުންވާ ފަރާތްތަކަށް އެކުންފުނިން ޚިދުމަތް ފޯރުކޮށްދެމުން ގެންދާނެއެވެ.
އެ ޚދުމަތް ބޭނުންވާ ފަރާތްތަކުން ތިން މަސް ހަމަނުވާ ބޭސް ސިޓީގެ ފޮޓޯއާއި ބަލިމީހާގެ އައިޑީ ކާޑުގެ ފޮޓޯ އާއި ބޭސް ފޮނުވަންވީ އެޑްރެސް އަދި ގުޅަންވީ ފަރާތުގެ މައުލޫމާތު ވައިބަރ މެދުވެރިކޮށް ފޮނުވުމަށް އެކުންފުނިން އެދެއެވެ. މާލޭގައި ދިރިއުޅޭ ފަރާތްތަކުން (ވައިބަރ) މެސެޖުކުރާނީ 7922035 އަށެވެ. ހުޅުމާލޭގައި ދިރިއުޅޭ ފަރާތްތަކުން (ވައިބަރ) 7291120 އަށެވެ.
STO along with command centers are delivering urgently needed prescription medicines to residences in Male'and Hulhumale.@StoMedical pic.twitter.com/hPSMU2ZmpR
— STO Plc (@stoplc) April 18, 2020