އެސްޓީއޯއިން އޯޑަރުކޮށްފައިވާ ބޭސް ޝިޕްމެންޓުގެ ތެރެއިން އިންޑިއާއިން ރާއްޖެއަށް ނުގެނެވި ތާށިވެފައިހުރި ބޭސްތައް މިއަދު ރާއްޖެ ގެނެސްފިއެވެ.
މި ބޭސްތައް ރާއްޖެއަށް ގެނެސްދީފައިވަނީ އިންޑިއާގެ ސަރުކާރުގެ ޚާއްސަ އެހީތެރިކަމުގެ ދަށުން އިންޑިއާގެ އެއާފޯސްގެ މަތިންދާ ބޯޓެއްގައެވެ. ރާއްޖެއަށް މިއަދު ގެނެސްފައިވަނީ 6.2 ޓަނުގެ ބޭހެވެ. މި ބޭސްތައް ތާށިވެފައިހުރީ އިންޑިއާގެ އެކި ސިޓީތަކުގައެވެ. ބޭސް ނުގެނެވިހުރި ކޮވިޑް-19 ގެ ސަބަބުން ދަތުރުފަތުރަށް ދިމާވެފައިވާ ތާށިކަމެއްގެ ސަބަބުންނެވެ. އަދި އިންޑިއާގައި ވަނީ 21 ދުވަހުގެ ލޮކްޑައުން އެއް އިޢުލާން ވެސް ކޮށްފައެވެ.
މިފަދަ ޚުތޫރަތްތެރި ދަނޑުވަޅުގައި ވެސް މި ބޭސްތައް ރާއްޖެއަށް ފޮނުވައި ދެއްވީތީ އެސްޓީއޯއިން ވަނީ އިންޑިއާ ސަރުކާރަށް ޝުކުރު އަދާ ކުރައްވައިފައެވެ. މި ބޭސްތަކުގެ ތެރޭގައި ކޮވިޑަށް ބޭނުންކުރާ ބޭސްތައް ވެސް ހިމެނެއެވެ.