ޝެވަލް ބްލަންކް ރަންދެލި ރިސޯޓުގެ ވިލާ (47) ގައި އަލިފާން ރޯވެ ބޭނުން ނުކުރެވޭ ވަރަށް އަނދައިފި ކަމަށް ފުލުހުން ވިދާޅުވެއްޖެއެވެ.
ފުލުހުން ވިދާޅުވީ މިހާދިސާގެ މައުލޫމާތު ލިބިފައިވަނީ ރޭ 3:40 އެހައިކަންހާއިރު ކަމަށެވެ. ވިލާގައި ރޯވި ހާދިސާގައި އެއްވެސް މީހަކަށް އަނިޔާއެއް ނުވެއެވެ. އަލިފާން ނިއްވާފައިވަނީ ރިސޯޓުގެ މުވައްޒަފުންނެވެ. އެތަނުގައި އަލިފާން ރޯވި ސަބަބެއް ފުލުހުން އަދި ހާމައެއް ނުކުރެއެވެ.
ރޯވިއިރު އެވިލާގައި ބަޔަކު ނޫޅެއެވެ. ފުލުހުން ގެންދަވަނީ މައްސަލަ ބަލަމުންނެވެ.