ގޮތްނޭނގޭ ޕާރުސަލްތަކެއް ހުވަދުއަތޮޅު އުތުރުބުރީ މާމެންދޫ ގޮނޑު ދޮށަށް ލައްގައިފި ކަމަށް ފުލުހުން ވިދާޅުވެއްޖެއެވެ.
އެތަކެތި ލައްގާފައިވާ ކަމުގެ ރިޕޯޓު ފުލުހުންނަށް ލިބިފައިވަނީ މިއަދު ހެނދުނު 6:35 އެހައިކަންހާއިރު ކަމަށް ފުލުހުން ވިދާޅުވިއެވެ.
އެރަށަށް ލައްގާފައިވަނީ 44 ޕާރުސަލް ކަމަށް ވެސް ފުލުހުން ވިދާޅުވިއެވެ. އޭގެތެރެއިން ފުލުހުން ވަނީ ދެ ޕެކެޓު ކަނޑައިގެން ބަލައިފައެވެ. އަދި އެއީ ކޯއްޗެއްތޯ ދެނެގަތުމަށްޓަކައި ކުރަންޖެހޭ ޓެސްޓު ހެދުމުގެ މަސައްކަތް ވެސް މިހާރުދަނީ ކުރަމުން ކަމަށް ފުލުހުން ވިދާޅުވިއެވެ.
ތ. އަތޮޅުން ވެސް އިއްޔެވަނީ މީގެ 2 ޕެކެޓު ފެނިފައި ކަމަށް ފުލުހުން ވިދާޅުވިއެވެ.