މަސްތުވާ ތަކެތީގެ ވިޔަފާރި ފުޅާދާއިރާއެއްގައި ކުރަމުންދާ ކަމުގެ މަޢުލޫމާތު ލިބިގެން ފުލުހުން ރޭ ބަލައި ފާސްކުރި ގެއިން މަސްތުވާތަކެއްޗާއެކު ދެ މީހަކު ބަންދުކޮށްފިއެވެ.
މިމައްސަލާގައި ބަންދުކޮށްފައިވަނީ ޢުމަރުން 44 އަހަރުގެ ދިވެހި ފިރިހެނަކާއި 47 އަހަރުގެ ދިވެހި ފިރިހެނެކެވެ.
މި އޮޕަރޭޝަނުގައި އެމީހުން ބަންދުކޮށް ގެބަލައި ފާސްކޮށްފައިވަނީ ކޯޓު އަމުރެއްގެ ދަށުންނެވެ. މި އޮޕަރޭޝަނުގައިވަނީ މަސްތުވާތަކެތި އަޅާފައިހުރި 33 ދަޅާއި، 22 ފުޅި ބަނގުރާއި، އަދި 8 ކޭސް ބަނގުރާ ފެނިފައިވެއެވެ. މީގެ އިތުރުން ގިނަ ޢަދަދެއްގެ ފައިސާ ވެސް ފެނިފައިވާ ކަމަށް ފުލުހުން ވިދާޅުވިއެވެ.
ފުލުހުންގެ ޑްރަގް އެންފޯސްމަންޓް ޑިޕާޓްމަންޓުން ގެންދަނީ މިމައްސަލަ ބަލަމުންނެވެ.