ޢިމާރާތް ކުރުމުގެ ދާއިރާއި ފަތުރުވެރިކަމުގެ ދާއިރާއަށް ބޭނުންވާ ދިވެހިންގެ ނިސްބަތާއި އެދެދާއިރާއިންހުރި ވަޒީފާގެ ފުރުސަތުތައް ބެއްލެވުމުގެ މަސައްކަތް ފަށްޓަވައިފި ކަމަށް މިނިސްޓަރ އޮފް އިކޮނޮމިކް ޑިވެލޮޕްމަންޓް ފައްޔާޒް އިސްމާޢީލް ވިދާޅުވެއްޖެއެވެ.
އެމަނިކުފާނު ވިދާޅުވީ އެމަސައްކަތް ކުރައްވަނީ ވޯލްޑް ބޭންކުގެ އެހީގައި ކަމަށެވެ. ފަތުރުވެރިކަމުގެދުވަހާ ގުޅުވައިގެން ކުރިއަށް ގެންދިއުމަށް ހަމަޖައްސަވާފައިވާ ޖޮބްފެއަރ ހުޅުއްވައިދެއްވަމުން އެމަނިކުފާނު ވިދާޅުވީ އެދެދާއިރާއިން ދިވެހީންގެ ހުނަރު އިތުރު ކުރުމުގެ މަސައްކަތް ވެސް ކުރައްވާނެ ކަމަށެވެ. މިސްޓަރ ވިދާޅުވީ ރާއްޖޭގެ ރިސޯޓުތަކުން ދިވެހިންނަށް މަތީ ފެންވަރުގެ ވަޒީފާ ޢާއްމުކޮށް ނުލިބޭ ކަމުގެ ވާހަކަތައް ކުރިން ވެސް އައްޑު އައްސަވާ ކަމަށެވެ. މަތީފެންވަރުގެ ވަޒީފާތައް ދިވެހިންނަށް ލިބޭނީ އެކަމުގެ ހުނަރު އެމީހުންނަށް ލިބިގެން ކަމަށް ވިދާޅުވިއެވެ.
އެމަނިކުފާނު ވިދާޅުވީ ރާއްޖޭގެ ވަޒީފާތަކަށް ބޭރު މީހުން ގެންނަނީ އެވަޒީފާތައް އިޢުލާން ކުރުމަށްފަހު ދިވެހީން ނުލިބުމުން ކަމަށެވެ. އެކަން ޙައްލު ކުރމަށް ދިވެހީންގެ ހުނަރު އިތުރު ކުރުމަށްޓަކައި "ސްކިލް ޑިވެލޮޕްމެންޓް ސެންޓަރު" ތައް ޤާއިމް ކުރައްވާނެ ކަމަށް ވެސް އެމަނިކުފާނު ވިދާޅުވިއެވެ.