ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް، މިނިސްޓަރ އޮފް އިސްލާމިކް އެފެއާޒްގެ ނައިބުގެ މަޤާމަށް ގދ.ތިނަދޫ ކަލްމުނާ، އަލްއުސްތާޛު ޙުސައިން ޝަރީފް ޢައްޔަން ކުރައްވައިފިއެވެ.
މިނިސްޓަރ އޮފް އިސްލާމިކް އެފެއާޒްގެ ނައިބުގެ މަޤާމަށް މިއަދު ޢައްޔަން ކުރެއްވި އަލްއުސްތާޛު ޙުސައިން ޝަރީފަކީ ބެޗެލަރ އޮފް ޝަރީޢާ އެންޑް ލޯ، އޮނާރސް އާއެކު ޙާޞިލުކުރައްވާފައިވާ ބޭފުޅެކެވެ.
މީގެ އިތުރުން ވޭތުވެދިޔަ 20 އަހަރު އަމިއްލަ ވިޔަފާރި ކުންފުނިތަކުގައި މެނޭޖަރ ފެންވަރުގެ މަޤާމުތައް ޙުސައިން ޝަރީފް އަދާކުރައްވާފައިވެއެވެ.
މިނިސްޓަރުގެ ނައިބު ކަމަށް ޙުސައިން ޝަރީފް އައްޔަން ކުރެއްވިއިރުވެސް އެ މިނިސްޓްރީގައި މިނިސްޓަރުގެ ނައިބު ކަމުގެ މަގާމުގައި ދެބޭފުޅަކާއި މިނިސްޓަރުގެ ނައިބު ފެންވަރުގައި އިސްލާމީ މަރުކަޒުގެ އިމާމު ކަމުގައި ދެބޭފުޅަކު އެބަތިއްބެވިއެވެ.