ގދ. ތިނަދޫ ޕޯސްޓް އޮފީސް ފަޅާލައިގެން އެތަނުގައިހުރި ގިނަ ޢަދަދެއްގެ ޕާރުސަލްތަކެއް ކަނޑައި އެއިން ވައްކަން ކޮށްފިއެވެ.
ފުލުހުން ވިދާޅުވީ މިޢަމަލު ހިނގާފައިވަނީ މިމަހުގެ 17 ވަނަ ދުވަހުގެރޭގެ ވަގުތެއްގައި ކަމަށެވެ.
ޕާރުސަލްތައް ކަނޑައިގެން ވައްކަން ކުރުމުގެ އިތުރަށް އެ އޮފީހުގެ ތިޖޫރި ފަޅާލަންވެސް ވަނީ މަސައްކަތް ކޮށްފައެވެ. އެހެންނަމަވެސް އެކަން ކުރަން އުޅުނު ބަޔަކަށް ނުވަތަ މީހަކަށް އެކަން ކުރެވިފައި ނުވާކަމަށް ފުލުހުން ވިދާޅުވިއެވެ.
ފުލުހުން ގެންދަވަނީ މިމައްސަލަ ބަލުމްނެވެ. އެހެންނަމަވެސް މިކަމާ ގުޅިގެން މިހާތަނަށް އެއްވެސް މީހަކު ބަންދު ކޮށްފައެއް ނުވެއެވެ.