ދިވެހިރާއްޖޭގެ ކަނޑުގެ ސަރަޙައްދުގައި މަސްތުވާތަކެތި ޓްރެފިކް ކުރަން އުޅުނު އީރާނުގެ ބޯޓެއް އަތުލައިގެންފިއެވެ.
މި ބޯޓު އަތުލައިގެންފައިވަނީ ދިވެހި ސިފައިންނާއި ފުލުހުން ގުޅިގެން ހިންގި އޮޕަރޭޝަނެއްގައި ބ. އަތޮޅު ހުޅަނގު 126 މޭލު ބޭރުން ކަމަށް ފުލުހުން ވިދާޅުވިއެވެ.
"މި ބޯޓަކީ މިސަރަޙައްދުގައި މަސްތުވާތަކެތި ފުޅާދާއިރާއެއްގައި ޓްރެފިކްކުރާ ބޯޓެއް ކަމަށް މަޢުލޫމާތު ލިބިފައިވޭ،" ފުލުހުން ވިދާޅުވިއެވެ. މިހާރު ގެންދަނީ އެ ބޯޓު މާލެ ސަރަޙައްދަށް ގެނެސް ބަލައި ފާސްކުރުމަށް ތައްޔާރުވަމުންނެވެ. މިހާތަނަށް ބެލިބެލުނުން އެބޯޓުން ވަރަށްގިނަ ޢަދެއްގެ މަސްތުވާތަކެތި ފެނިފައިވާ ކަމަށް ވެސް ފުލުހުން ވިދާޅުވިއެވެ.
މި ބޯޓު ހިފަހައްޓައި އެމްއެންޑީއެފް ކޯސްޓުގާޑުގެ ބެލެވުމުގެ ދަށަށް ގެނައިއިރު އޭގާއި ތިބި 7 މީހުން މިހާރުވެސް ވަނީ ފުލުހުންގެ ބެލުމުގެ ދަށަށް ގެނެސްފައެވެ