ބައިނަލްއަގުވާމީ މަސައްކަތްތެރީންގެ ދުވަހާ ދިމާާކޮށް 'މުސާރަ އާއި އުޖޫރަ އާ ގުޅޭގޮތުން ލަފާދޭ ބޯޑު' ރައީސް އިބްރާހީމް މުޙައްމަދު ޞާލިޙް މިއަދު އެކުލަވާލައްވައިފިއެވެ. މި ބޯޑު އެކުލަވާލެއްވިކަން ހާމަކުރައްވާފައިވަނީ ރައީސުލްޖުމްހޫރިއްޔާގެ ރަސްމީ ޓުވިޓަރ އެކައުންޓުން މިއަދު ކުރެއްވި ޓުވީޓެއްގައެވެ.
"މޭ ޑޭ އާ ދިމާކޮށް މަސައްކަތް ކުރާ މުވައްޒަފުންނަށް މުސާރައިގެ ގޮތުގައި ދެވޭެ އެންމެ ކުޑަ މިންވަރު ކަނޑައެޅުމަށްޓަކައި 'އިކޮނޮމިކް ޑިވެލޮޕްމަންްޓް' މިނިސްޓަރަށް ލަފާ ދެއްވުމަށް މުސާރަ އާއި އުޖޫރަ އާ ގުޅޭގޮތުން ލަފާދޭ ބޯޑު މިއަދު އެކުލަވާލުމަކީ އަޅުގަނޑަށް ލިބުނު ވަރަށް ބޮޑު އުފަލެއް،" ރައީސް ވިދާޅުވިއެވެ.
May Day aa dhimaakoh masaikaiy kuraa muvazaffunah musaaraige gothugai dheveyne emme kuda minvaru kandaelhumahtakai Economic Development Minister ah lafaa dhevvumah “Musaara Aai Ujoora Aa Gulhey Gothun Lafaa Dhey Board” mi adhu ekulavaalumakee alhugandah libunu varah bodu ufaleh.
— Ibrahim Mohamed Solih (@ibusolih) May 1, 2019
އިކޮނޮމިކް ޑިވެލޮޕްމަންޓް ބޯޑު އެކުލަވާލައްވާފައިވަނީ 5 މެންބަރުންގެ މައްޗަށެވެ. އެއީ ސިނާއަތް ތަމްސީލުކުރުމަށް 2 މެންބަރަކާއި އަދި މަސައްކަތްތެރީންގެ ތަމްސީލު ކުރުމަށް މަސައްކަތްތެރީންގެ ތެރެއިން ދެ މެންބަރަކާއި ސަރުކާާރުގެ ފަރާތުން 1 މެންބަރެއް ކަމަށް އިކޮނޮމިކް ޑިވެލޮޕްމަންޓް މިނިސްޓަރ ފައްޔާޒް އިސްމާޢީލް ކުރެއްވު ޓުވީޓެއްގައި ވިދާޅުވެފައި ވެއެވެ.