lއެންމެ ދެކުނުގެ ދެ ސިޓީ ކަމަށްވާ އައްޑުއާއި ފުވައްމުލަކަށް ބޯކޮށް ވާރޭވެހޭނެ ކަމަށް ލަފާކޮށް މެޓެ އޮފީހުން ޔެލޯ އެލާޓް ނެރެފިއެވެ.
އެ ދެ ސިޓީއަށް ބޯކޮށް ވާރޭވެހޭނެ ކަމަށް ލަފާކޮށްފައިވާ ވަގުތަކީ މެންދުރު 12:40 އިން 15:40 އަށެވެ. މިހާރު ވެސް އައްޑޫ ސިޓީއަށް ބޯކޮށް ވާރޭވެހެމުން އެބަދެއެވެ.
ރާއްޖޭގެ މޫސުމަށް ޖުމްލަކޮށް ބަލާއިރު މެދުތެރެއާއި ދެކުނުގެ އެކިހިސާބަށް ވިއްސާރަ ކުރާނެ އެވެ. އަދި ބައެއް ރަށްތަކަށް ގުގުރުމާއެކު ބޯކޮށް ވާރޭވެހުން އެކަށީގެންވާ ކަމަށް މޫސުމާ ބެހޭ އޮފީހުން ވިދާޅުވެފައިވެއެވެ. އުތުރުގެ އަތޮޅުތަކަށް ގުގުރުމާއެކު ކެރީގެއަސަރު ފޯރާނެ ކަމަށް ވެސް ވިދާޅުވެފައިވެއެވެ.
ވައިޖެހޭނެ ކަމަށް ލަފާ ކުރައްވައިފައިވަނީ ހުޅަނގުއުތުރާއި އުތުރުން ގަޑިއަކު 5 މޭލާއި 15 މޭލާ ދެމެދުގެ ބާރުމިނުގައެވެ. ވިލާގަނޑުގައި ގަޑިއަކު ގާތްގަނޑަކަށް 35 މޭލު ބާރުމިނަށް ވައިގަދަވާނެ ކަމަށް ވެސް ލަފާކުރައްވާފައިވެއެވެ.