މިއަހަރު އެޕްރީލް 6 ވަނަ ދުވަހު ބާއްވާ ރައްޔިތުންގެ މަޖިލީހުގެ އިންތިޚާބުގައި 264589 މީހުންނަށް ވޯޓުލުމުގެ ޙައްޤު ލިބިގެންވާ ކަމަށް އިލެކްޝަންސް ކޮމިޝަނުގެ ތަރުޖަމާނު އަޙްމަދު އަކުރަމް ވިދާޅުވެއްޖެއެވެ.
އެޕްރީލް މަހު ވޯޓުލުން ބާއްވާއިރު އިންތިޚާބަށް ކުރިމަތިލުމުގެ ފުރުޞަތު ހުޅުވާލާނީ ހޮޓެލް ޖެންގައި މިރޭ 9:00 ގައި ބާއްވާ ޚާއްޞަ ރަސްމިއްޔާތެއްގައެވެ. އެރަސްމިއްޔާތުގައި އިލެކްޝަންސް ކޮމިޝަންގެ ކުލައާއި ލޯގޯ އިފްތިތާޙު ކުރުން ވެސް އޮންނާނެއެވެ.
އިލެކްޝަންސް ކޮމިޝަނުން ގެންދަވަނީ އިންތިޚާބަށް ވަރަށް ބޮޑަށް ތައްޔާރުވަމުންނެވެ. މިހާރުވަނީ އިންތިޚާބަށް ލަފާދެއްވާ ޤައުމީ ކޮމިޓީވެސް އެކުލަވާލައްވައިފައެވެ. އެއީ ކޮންމެ އިންތިޚާބަކަށް ވެސް އެކުލަވާލަން ޖެހޭ ކޮމިޓީއެކެވެ. މި ކޮމިޓީގެ ފުރަތަމަ ބައްދަލުވުން މިއަދުވަނީ ބާއްވައިފައެވެ. އަދި ކޮންމެ ބުދަދުވަހަކު ބައްދަލުވުން ބާއްވާ ގޮތަށް ވެސް މިއަދުވަނީ ނިންމަވައިފައެވެ.