ވެލާނާ އިންޓަރނޭޝަނަލް އެއާޕޯޓުގައި ހިނގި އެކްސިޑެންޓެއްގައި މީހަކަށް އަނިޔާވެ ހުޅުމާލޭ ހޮސްޕިޓަލުގައި ފަރުވާ ދޭން ފަށައިފިއެވެ.
ފުލުހުން ވިދާޅުވީ މިއެކްސިޑެންޓު ހިނގީ މޯލްޑިވިއަންގެ ވެހިކަލަކާއި، އެއާޕޯޓު މުވައްޒަފެއް ދުއްވި ސައިކަލް ޖެހިގެންނެވެ.
މި އެކްސިޑެންޓުގެ މަޢުލޫމާތު ފުލުހުންނަށް ލިބިފައިވަނީ ހެނދުނު 10:30 ގައި ކަމަށެވެ. އެކްސިޑެންޓުގައި އަނިޔާވެފައިވަނީ ޢުމުރުން 23 އަހަރުގެ ފިރިހެނަކަށް ކަމަށް ވެސް ފުލުހުން ވިދާޅުވިއެވެ. ހޮސްޕިޓަލުން ވިދާޅުވީ އޭނާގެ ފައިގެ ކަކުލު ހުޅަށް ގެއްލުން ވެފައިވާ ކަމަށެވެ. އޭނާއަށް މިހާރު ގެންދަނީ އިމަޖެންސީ ރޫމުގައި ފަރުވާ ދެމުން ކަމަށް ވެސް ހޮސްޕިޓަލުން ވިދާޅުވިއެވެ.
"އެކްސިޑެންޓު ހިނގާފައިވަނީ އެއާޕޯޓުގެ ކުރީގެ ނެރާ ދިމާގައި" ކަމަށް ވެސް ފުލުހުން ވިދާޅުވިއެވެ.