ހިތަދޫ ރީޖަނަލް ހޮސްޕިޓަލް (އެޗުއާރުއެޗު) ފަރުވާ ދެމުން ގެންދިޔަ މުސްކުޅި ދެ އަންހެނަކަށް އެހީވާނެ މީހަކުނެތިގެން ޖެންޑަރ މިނިސްޓްރީން ޙަވާލު ވެއްޖެއެވެ.
މިނިސްޓްރީގެ ބެއްލުމުގެ ދަށަށް ގެނައުމަށް ފަހު ކުރިއަށް އޮތް ދެތިން ދުވަސްތެރޭގައި އެ ދެމީހުން މާލެ ގެންދަން ނިންމާފައިވާ ކަމަށް ވެސް މަޢުލޫމާތު ލިބިފައިވެއެވެ.
މާލެ ގެންދިޔުމާއި މިދޭތެރޭގައި އޮތް މުއްދަތުގައި އެމީހުން ބަލައިދޭނެ 2 ނުވަތަ 3 މީހަކު ހޯދަން މިނިސްޓްރީން މަސައްކަތް ކުރައްވަމުން ގެންދަވާ ކަމަށް ވެސް މަޢުލޫމާތު ލިބިފައިވެއެވެ. އެމީހުން ބަލާ ފަރާތްތަކަށް ދުވާލަކަށް 200 ރުފިޔާގެ އުޖޫރައެއް ވެސް ދޭގޮތަށް ހަމަޖެހިފައިވެއެވެ.
އެ ދެމީހުންނަކީ ކޮންރަށެއްގެ ބައެއް ކަމެއް އެނގިފައެއް ނުވެއެވެ.