ޕެރަޑައިސް އައިލެންޑް ރިސޯޓަށް އައިސް އުޅުނު ފަތުރުވެރިއަކު މަރުވެފައި އޮއްވައި ފެނިއްޖެ ކަމަށް ފުލުހުން ވިދާޅުވެއްޖެއެވެ.
ފުލުހުން ވިދާޅުވީ އެމަޢުލޫމާތު ފުލުހުންނަށް ލިބިފައިވަނީ މިއަދު 3:15 އެހައިކަންހާއިރު ކަމަށެވެ. މަރުވެފައި އޮއްވައި ފެނިފައިވަނީ ޗެކްރިޕަބްލިކް ފިރިހެނެއް ކަމަށް ވެސް ފުލުހުން ވިދާޅުވިއެވެ. އޭނާ މަރުވެފައި އޮއްވައި ފެނިފައިވަނީ އެރިސޯޓުގެ މޫދުން ކަމަށް ވެސް ފުލުހުން ވިދާޅުވިއެވެ. އޭނާގެ ޢުމުރަކީ 84 އަހަރު ކަމަށްވެސް ފުލުހުންވަނީ ވިދާޅުވެފައެވެ.
މަރުވި މީހާގެ ހަށިގަނޑު މިހާރުވަނީ މާލެގެނެސް އޭޑީކޭ ހޮސްޕިޓަލަށް ގެންގޮސްފައެވެ.