މިދިޔަ ހަފްތާގައި ދުނިޔޭގެ ނުށްތަކުގެ ސުރުޚީތަކުން ޖާގަ ހޯދާފައިވަނީ ދުނިޔޭގެ އެންމެ އަގު ބޮޑު ކާވެނީގެ ވާހަކައިންނެވެ. އިންޑިއާގެ އެންމެ މުއްސަނދި މަހުޖަނު، މުކޭޝް އަމްބާނީގެ ދަރިފުޅު އިޝާގެ ކައިވެންޏަކީ އިނގިރޭސި ވަލީ އަޙުދު ޗާލްސް އާއި ޕްރިންސެސް ޑަޔާނާގެ ކައިވެންޏަށް ފަހު ދުނިޔެގައި ކުރެވުނު އެންމެ އަގު ބޮޑު ކާވެނި ކަމަށް މީޑިއާ އިން ވަނީ ރިޕޯޓުކޮށޤފައެވެ. މި އިނގިރޭސި ވަލީ އަޙުދެުގެ ކާވެންޏަށް 130 މިލިއަން ޑޮަލަރު ޚަރަދުކޯށްފައިވާ އިރު އަމްބާނީ ގެ ދަރިފުޅުގެ ކާވެންޏަށް 100 މިލިއަން ޑޮލަރަށް ވުރެ ގިނައިން ޚަރަދުކޮށްފައިވަ ކަމަށް ނޫސްތަކުން ވަނީ ރިޕޯޓުކޮށްފައެވެ.
ހަފްތާއަކަށް ދެމިގެން ދިޔަ ކާވެނީގެ ތައްޔާރީ އިޙްތިފާލުތަކަށް ފަހި ކާވެނި ކުރެވުނީ މި މަހުގެ 12ވަނަ ދުވަހުއެވެ. ހިލަރީ ކްލިންޓަން އާއި އެމެރިކގެ ކުރީގެ ސެކްރެޓަރީ އޮފް ސްޓޭޓް ޖޯން ކެރީ ގެ އިތުރުން ހައި ޕްރޮފައިލް އެތައް ބަޔަކު ބައިވެރިވި ކާވެނީގެ ރަސްމިއްޔާތުގައި ލެޖެންޑްރީ ލަވަކިޔުންތެރިޔާ ވަނީ އިޝާ އަށް ޚާއްޞަ ހަދިޔާ އެއް ދީފައެވެ. ގުޖްރާތީ އަދި ހިންދޫ ވެޑިކް ސަގާފަތަށް ކުރިއަށް ދިޔަ ރަސްމިއްޔާތުތައް ކުރިއަށް ދިޔަ އިރު ލަތާގެ އަޑުން ރިކޯޑްކޮށްފައިވާ ލަވަޔަކާ އެކު ޚާއްބަ މެސެޖެއްގެ އަޑު ވަނީ އިއްވާފައެވެ.
މި ލަވަ އިއްވުމުގެ ކުރީން އަމިތާބް ވަނީ ލަވައިގެ ތައާރަފެއް ދީފައެވެ. މި ލަވަ ޚާއްބަވާ ސަބަބަކީ މިއީ އެތަކެއް އަހަރުތަކަކަށް ފަހު އުމުރުން 89 އަހަރުގެ ލަވަކިޔުންތެރިޔާ ރިކޯޑު ކުރި ލަވައަކަށް ވުމުންނެވެ. އަދި މި ލަވަ އާއެކު އަމްބާނީ މުކޭޝް އާއި އަންހެނުން ނީތާ އަށް ވަރަށް ފުން އަސަރު ކުރިކަމަށް އިންޑިއާގެ ނޫސްތަކުން ވަނީ ރިޕޯޓުކޮށްފައެވެ.