ހޯމް މިނިސްޓަރު އައްޝައިޚް ޢިމްރާން ޢަބްދުﷲ ދޫނިދުއަށް ވަޑައިގެން ޖަލުތަކުގައި ތިބި މީހުންގެ ޙާލުއަޙުވާލު ބައްލަވައިފިއެވެ.
މިއީ މިނިސްޓަރު ކަމާ ޙަވާލުވެ ވަޑައިގެންނެވުމަށްފަހު ޝައިޚް ޢިމްރާން ކުރެއްވި މިފަދަ ފުރަތަމަ ދަތުރުފުޅު ކަމަށް އެނގިފައިވެއެވެ. އެމަނިކުފާނުގެ އަރިހުގައި ކޮމިޝަނަރ އޮފް ޕޮލިސް ޙަމްދޫން ރަޝީދާއި ފުލުހުންގެ އިސްބޭފުޅުން ބައިވެރިވެ ވަޑައިގެންނެވިއެވެ.
އައްޝައިޚް ޢިމްރާން ޢަބްދުﷲ އަކީ ޖަލަށްލެވި އެތަންތަނުގެ ޙާލަތާއި އެތަންތަނުން ލިބޭ ވޭން ވަރަށް ރަނގަޅަށް ތަޙައްމަލް ކުރައްވައިފައި ހުންނެވި ބޭފުޅެކެވެ. އަދި ޖަލުގެ އަނިޔާއަށް ދެކޮޅު ހައްދަވާ ބޭފުޅެކެވެ.
މިހާރު ވެސް އެމަނިކުފާނުގެ މައްޗަށް ކުރައްވައިފައިވާ ޙުކުމެއް އެބައޮތެވެ. ސްޕްރީމް ކޯޓުން އެމަނިކުފާނު ދޫކުރައްވައިފައިވަނީ އެމަނިކުފާނުގެ މައްސަލަ މުރާޖަޢަ ކޮށްދެއްވުމަށް ހުށަހަޅުއްވައިފައިވާތީ އެމައްސަލަ ބަލައި ނިމެންދެނެވެ.