ހުވަދުއަތޮޅު އުތުރުބުރީ ވިލިގިލީގައި ހުންނަ ބޭންކް އޮފް މޯލްޑިވްސް (ބީއެމްއެލް) ގެ ބުރާންޗުން ފައިސާތަކެއް ވަގަށްނެގި މައްސަލައިގައި 6 މީހަކު ބަންދު ކުރައްވައިފި ކަމަށް ފުލުހުން ވިދާޅުވެއްޖެއެވެ.
ފުލުހުން ވިދާޅުވީ އެމީހުން ބަންދުކުރެއްވީ ފުލުހުންގެ އިންޓަލިޖެންސާ ގުޅިގެން ހިންގި ޚާއްސަ އޮޕަރޭޝަނެއްގައި ކޯޓުން އަމުރު ހޯއްދަވައިގެން ކަމަށެވެ. އެމީހުން ބަންދު ކުރުމަށްފަހު އެމީހުން އަތުން ވަނީ ގިނަޢަދަދެއްގެ ފައިސާ ހޯއްދަވައިފައި ކަމަށްވެސް ފުލުހުން ވިދާޅުވިއެވެ.
އެތަނުން އެމީހުން ވައްކަން ކޮށްފައިވަނީ ފުރާޅު ހަލާކުކޮށްގެން އެތެރެއަށް ވަދެ ކަމަށް ވެސް ފުލުހުން ވަނީ ވިދާޅުވެފައެވެ.
އެތަނުން އެމީހުން ވައްކަން ކޮށްފައިވަނީ ފުރާޅު ހަލާކުކޮށްގެން އެތެރެއަށް ވަދެ ކަމަށް ވެސް ފުލުހުން ވަނީ ވިދާޅުވެފައެވެ. އެމީހުން އެކަން ކޮށްފައިވާ ކަމުގެ މަޢުލޫމާތު ފުލުހުންނަށް ލިބިފައިވަނީ ރޭ ފަތިހު 5:37 އެހައިކަންހާއިރުއެވެ.
އެމީހުން ބޭންކުން ނަގައިފައިވާ ފައިސާގެ ޢަދަދާއި 6 މީހުން އަތުން ހޯދައިފައިވާ ފައިސާ ޢަދަދު އަދި ހާމައެއް ނުކުރައްވައެވެ.